صدمتي !!!!

السلام عليكم ورحمة الله وبركاته :
مساكم الله بالخير وراحة البال
بنات عندي مشكلة ماادري كيف اطرحها لكم
لكن بحاول اختصرها لكم قد ما اقدر وان شاء الله
اللي مرت عليها هذا المشكلة تفيدني ويفيد غيري هنا
والله لايريكم اياه
اولا انا عندي اب عصبي يابنات بشكل يتنرفز اذا احد طنشه او كسر له كلمه حتى لو كان تافهه
يعصب مرره واحيانا توصل لمدة اليد والضرب المبرح
امي تحملته طيلة حياتها وماادري كيف تحملت 😔
انا اعطيكم اجابياته هو متدين نوعا ما وسط يعني ويحب يبكر للصلاة ويأمرنا نصلي
ويصرف علينا بالبيت يعني وسط
لكن انسان عصبي مرره كانه من شيبان زمان وعلاقتنا فيه رسمي وسم وحاضر وأبشر
لكن اذا عصب يقلب البيت قلب ويجمعنا ويهزأ فينا تهزيء
بحثت عنه بالنت طلع شخصيته نرررجسي وهذا من اسوء الشخصيات صعب التعايش معه
المضحك والغريب انه توني اعرف نوع شخصيته
لاني اول اعرف انه انسان عصبي وشديد فقط
الشخصية النرجسية يمتص منك كل ماهو جميل
سلبياته انه : عصبي حاااار مررره مايتفاهم - يشكك بنفسك احيانا اذا عصب
عنده اسقاط على الشخص يعني يعمل عمل ويرميها على احد منا انت انتم تكذبون علي انتم تسوون من ورايا كذا وكذا واحيانا يسيء الظن لاحد منا
وعنده التهديد والوعيد لعبته كل مازعل يقول مايمشي معاكم الا الضرب تمشون بالقوه ويعطي محاضره طويله
ومع هذا كل شي تحملناه منه على امل انه يتغير بيوم من الايام ويهديه الله 💔
طبعا الأقوى من هذا كله ... اذا انفجر من الزعل يهدد بالسلااااح ويجيبه عند احد منا لكن هالشي مو دايم
اخرتها زعل انه اخي تاخر عن البيت شوي وهو كان مستاذن منه من قبل بس لانه تاخر وسوس وخاااف مرااا ويوم وصل للبيت هدده بالسلاح واحنا نحاول نوقفه الى انه هجد وسكت بعد محاولات 🥺
مجنووون اذا عصب ... بنات هل يعتبر انسان متجبر ظالم ويحق لي ادعي لانه خلاص طيلة السنين اللي عشناها معه من كنّا اطفال تعب نفسياتنا ونخاف ننفجر بيوم من الايام 😭
هل الدعاء بقيام الليل وبمواطن استجابة الدعاء ينفع وهل لكم تجارب احد دعاااء لشخص بالهدايه واهتدى وتغير

لان البعض حطمني قال هذا طبع مايتغير 🥺💔