صدمتي بإختي وامي !!!!

السلام عليكم حبايبي كيفكم ....
انا بخاصر عليكم الموضوع لانه متعبني حيييييل
انا احس اني متفتته مليون جزء احس اني مثل الزجاج الي انكسررررر مليون كسره جاني طراق قوي قوي قوي هدني زعزع ثقتي بنفسي حسيت بضياع كبييير انا فاقده للامان وحاسه بخوووووف من كل الناس لاني فقدت الثقه بالي كنت تقريبا عايشه عشانهم انا موقادره اواجههم كتمت بقلبي وسكت
انا يابنات طيبه حيل لدرجة السذاجه عندي مثل كبيره افضل الكل على نفسي لدرجة اني كنت رافضه الزواج عشان امي واخواني بما ني الكبيره وبماان امي مرت بقهر من ابوي فكنت احس اني مسؤوله عنهم وان مايحق لي افرح دام امي حزينه فكنت معاها على الخط معاشي نصه بالضبط لها اسوي الي تبي احارب الي تحاربه احب الي تحبهالي تبيه مقدم عندي 
المهم مواقف خذلاااان كثيره بس اخر واحد هزني لدرجة اني كل ماذكر ابجي لين تورم عيوني
انا يابنات تزوجت عمري ثلاثين مثل ماقلت لكن حسيت ان امي انا اخر همها وتعيرني اني عانس بعد مابذلت نفسي لها وخطاطيبي واجد تقول جذب ماتبين تتزوجين عشان تقعدين معاي انتي فيج بلا ؟؟؟ موطبيعيه !!!!! المهم قبلت باخر عريس وتزوجت الحمدلله لاول مره احس شنو يعني انسان حي اول مره احس بالحياه حيث اني عايشه معاناة امي بدالها ماطرل عليكم حملت والكل فرح بما اني كبيره الا امي قلب وجهها وانا ابلغهاتقول من الحين لا يقولون لي جذه !!! وزعلت  وكنتلما ابلغها بالموعد شيصير ترد برود ايه ايه وتغير موضوع مره قلت لها مشيمه نازله تقول دكاتره جذابين ماحتى تقول بسم الله عليج !!! قبل تسوي فيني جذي بس كنت اقول لا ماتقصد بس انا حامل والكل فرحان الاهي صرت لما ازورهم مااسولف عن الحمل مع ان و دياسولف لي فجر بس طفو فرحتي 
الطامه الكبرىقربت ولادتي تخيلو ماتعلمني شيسون الحريم بس قالت لي لايكون تدقين علي وقت ولاده قلت ليش منو عندي انا بجر واخاف قالت لا قلبي يعورني انا صدقت مااالتقلت لزوجي لاتعلمها حرام مسكينه تتاثر يوم جت الصجيه تعسرت ولادتي وتعبت قام زوجي دق على امي وخذاها غصب خاف علي هي استحت وراحت يوم وصلت قالت بنطر تحت قال روحي داخل كل الحريم داخل قالت لا يوم طولت قالت ردني البيت !!!! انا ماكنت ادري المهم ولدت بعمليه ورديت البيت شتوقعون !!!!  مازهبت لي ولاشي للتفاس وانا عمليه تخيلو ماعندنا خدامه تقول قومي اطبخي لعمرج انا دوام ماقدر قلت لها اخذي اجازه اسبوع بس رفضت قلت حطي ممرضه قالت اشوف بكل بروووود للعلم هي مرظفه وانا اعطيها نص معاشي والله يابنات قطوني بغرفتي لحالي مايطلون علي الا ساعه وبس لاكل ولا احد يساعدتي ياله اقوم طبعا منعت عني زياره عشرين يوم تقول مالي خلق اهي ماتبي احد يكشفها والمصيبه اختي الي مشتغله لها سايق حتى وهي مصخنه اكمدها راحت نامت بغرفه ثانيه واناابجي بجي جتني ضيقه وقلق ومريت باكتئاب انفاس امي تسهر بالصاله تحت انا ماقدراخلي ولدي يبجيبجي وانا ابجي مره دخلت علي ابجي زفتني تحملي تعوذيمن ابليس وبس صكت الباب وخلتني واختي مره مسكتها قلت تكفييييين اقعدي عندي حاسه مخنوقه وصج دخلتحالة اكتئابحاد جان تقول عادي ابجي وقامت وخلتني بقمة برووووود 
اول مره بحياتي احتد عليهم العاده هن الي يحتاجوني ويتميلحون معاي ليش اني اعطي واخدم لين اموت بس اول مره اطيح عن حيلي واحتاج لهم احتقروني احتقارلدرجة طول النفاس.  مصدومه ومخنوقه ودي اصيح ودي انحاش مره من المرات خذيت عبايتي وانا توني بالنفاس وطلعتمن البيت امشي بالحاره بغيت انجن دوروني شوي بعدينخافت امي اسوي بنفسي شي دارتني يومين بعدين خلتني اولي حتى الولدمايمسكونه اشحذهم شحذه عشان يساعدوني طلعتمن نفاس شايله بقلبي وحاسه بالم غريب والله جن خنجر مزروع بصدزي من نفاسي للحين كلماذكر ابجي صار لي سبع شهورر موقادره اسامح وحاسه بكره شديد لهم واختي بالاخير فهمت انهاحاسدتني كل ماتشوفني اشكي تلمع عيونهل وتفرح واول مره اعرف اختي من عشرين سنه انها حسوده تخيلو رفيجة عمرها يوم تزوجت قامت تطنز على شكلها وانها موحلوه وليش ماهذينهد لين تطلقت حتى ماقالتالله يعوضها. في اشيا كثيره ماقلتها بس توني اربط المواقف واكتشفت اني اكبر غبيه ساعدوني شلون اتعامل معاهم انا ترى متدينه واخاف الله امي ماحسستها بشي بس قلبي فيه. غصه طلعت من تفاسي خربانه وصج تعبانع  فيني بجي الدنيا