ترى اغلب الرجال كذا ثل ماقالت الاخت ضعاف نفوس امام النساء مو معناه انه مو ملتزم او مايحب زوجته لا بس الشطان اقوى منهم او يكون متعود عليها قبل الزواج ولا تركها

الله يهديهم ويسخرهم هالازواج

السلام عليكم اختي
اهنيك على رجاحة عقلك وصمتك لكن وجهة نظري إنك لاتصارحيه ترى الرجال مهما غلط مايحب حرمته تكتشف غلطاته يحب يكون قدامها مثلها الأعلى واحمدي ربك إنه يخاف الله يعني فيه حسنات ممكن تخليك تتغاظين عن هفواته واقولها هفوات لأنه اللي شافه اكيد شي جديد عليه ودفعه الفضول يشوفه وراح يستمر فترة ويقرف منه لكن لاتتركين المدة تتطول يعني بطريق غير مباشر تحاولين تحلين المشكلة مثلا وأنتم في السيارة شغلي شريط عن انتهاك حرمات الله أو عن زنى النظر بما إن زوجك ملتزم يعني راح يستمع للأشرطة الدينية وحاولي لا تتغيرين في معاملتك له ابدا بالعكس اعطيه اكثر في لبس ودلع والباقي إنتي فاهمته لاتخلين عنده فرصه يطالع في هذا الشي ابدا يعني حاولي لاتتركينه لحاله على النت لكن لا تلصقين فيه وتطفشينه حسسيه إنك ممكن في أي لحظه تدخلين عليه هاتي عصير أو شاهي مثلا واجلسي اقرأي عنده كتاب أو مجلة أو قرآن ولا تقابلين الكمبيوتر يعني قابليه هو وبوجودك يستحيل يفتح هذي المواقع وترى الرجال ياأختي بطبيعته بصاص يعني يحب يطالع في الحريم وانصحك تزورين موقع الدكتورة ناعمة الهاشمي واقرأي استشاراتها انا استفدت كثير من نصايحها وقدرت اضبط نفسي واتغير شوي مع إني شديدة الانفعال لكن طبقت شوي من اللي تقوله والحمد الله
واخيرا مالك إلا الدعاء وكثرة الاستغفار وكل بني آدم خطاء من منا ليس له ذنوب

الله يهديييييييييييييه

لاحول ولاقوة الا بالله

الله يعينك ويفرج همك