أولا احمدي الله كشفتي الموضوع بدري
ثانيا الرجال فيهم يلي عيونه زايغه ويحبون التغيير والله هذا كلام زوجي ومبين عليك ماشاءالله عاقله أتمنا تنسي وتصفحي وريحي نفسيتك الرجال اعترف وصارحك ولو مؤ متمسك فيك مقاعد يترجاك تقعدي صدقيني نزوه والله يسخركم لبعض وعلى فكره لمن قلك اطلبي يلي تبغي فعلا متمسك فيك ولاهانت عليه العشره بس لحظة شيطان وربي اعرف ناس يغلطون ويتمادون وماهمهم احد لا تكون قاسيه والله يفرج همك وتكوني أحلا من اول بعينه ويخليكم لبعض ويكفيكم شر من فيه شر

والله ي حبيبتي تلاقيها هي اللي كانت تغريه مصدقة انها كانت تبكي لما ياذيها؟؟!
البعض فيهن لئم وخبث بل اكثرهم بس ما يظهر عليهم وربي ما أضمنهم
انا أجيب شغالة تنام في بيتي بس وقت نفاسي مضطرة وبس للشغل مالها
شغل بزوجي تكوي ملابسه صح بس ما اخليها تعطيه شي والأولاد تسوي طلباتهم
تحت نظري والبيبي مرة ما اخليها تمسكه وربي مالهم امان حسبي الله ونعم الوكيل

وعموما اللي حصل لك درس والحمد لله جت ع كذا ولاعاد تجيبي شغالات وربي يقويك اشتري أجهزة مريحة
ودلعي نفسك عشان يخف عليك الشغل وأسأل الله أن يالف بينك وبين زوجك
ويبعد عنكم كل شر وطالما زوجك شاريك خلاص سامحيه ومع الأيام حتلاحظي صدق
اعتذاره وراح تنسي بإذن الله أو بالأصح يروح الحقد اللي في قلبك ورغبة الانتقام عليه وترجع
المياه لمجاريها .. والإنسان مو معصوم من الخطأ بس انت لا تأمني الشغالات وحتى وهم عجايز
وديري بالك ولا تكوني ياغافل لك الله!

سامحين والله شكلها الملعونه هي جرته  وإذا زوجك راضاك وطلب السماح 
والله غيرك ما شاف شي احمدي ربك الله لا يحرمكم من بعضكم 

ليش قلت لك لا تأمنيهم حتى وهم عجايز ؟ لاني انا في ولاداتي أجيب إندونيسيات كبار في السن
اقول عشان ما اكسب إثم لما تكشف ع زوجي اذا كانت شباب صعبة كل شوية طريق فاجيب وحدة كبيرة
تمشي وتشتغل وحتى لو زوجي موجود بس طبعا ماتكلمه ولا تتدخل فيه المهم الشاهد من الحديث
مرة وحدة من اللي جبتهم اكتشفت بالصدفة انه عندها بودرة بنية أو ترابيه كأنها طين مطحون
قلت لها أش هذا قالت هذا حق تحت يخلي مرة صغير وضيق قلت في نفسي لا اله إلا الله
عجوزة اش تبغاه في شنطتها !!! فجعتني صراحة واستغربت منها مرة ..

وكنت نفاس وبنتي عمرها سنة ونص فجأة اسمعها تصيح وتبكي إلا لقيتها
محروقة في رجلها بالمكوى وقالت مدام انا ما اشوف بنتك السبب

قلت يمكن صح كلامها بنتي السبب ويمكن حرقتها عشان ماتطفشها وهي تكوي
ولا عاد تقرب جنبها لأن تعرفوا في سن سنة ونص حركاتهم كثير ويطفشوا
العلم عند الله بنتي الآن عمرها خلصت عشر سنوات وإلى الآن علامة الحرق في رجلها
حسبي الله ع كل متعمدة تأذي الأطفال ومالهم ذنب

ماشاء الله عليك تسوي كل هذا وتخلينها عندك ..؟!
لا وتاخذين رايها وكلامها عن اقرب الناس لك .. زوجك..؟!
والله المفروض من اول ماحسيتي تقلعينها مو تنتظرين لين يطيح الفاس بالراس
عموما اتمنى هذا درس لك ولغيرك ماتعطي ثقه في الخدم ولاتدخلينها بيتك الا للضروره القصوى فقط