صدمتي في بنتي

حسبت امسويه شي اكبر تخرعت
عادي خليها تقرا وبعدين راح تملل من نفسها
يمكن من الملل

ليه كذا كلنا كنا نقرا روايات ونتخيلها ونعيش معاها وبعدين طفشنا
اكسبي بنتك واعطيها الثقه وخليها تحكيك الروايه بالمختصر وعادي قولي لها كل ماقريتي روايا ارسليها ليا انا تحب الروايات وبكذا تطمني

لسه بدري تقرأ هالامور
حاولي تشغليها لا تخلين لها وقت فراغ وخلي كل كشيء تحت عينك افتحي لها النت بوقت معين

لا ياختي ترى عمرها 13 على ايامنا متى قرينا هالاشياء خصوصا بعض الروايات غير مناسبة ابد لتحت 18

وجهة نظر لا اكثر

الله المستعان يا أختي على مرحلة المراهقة ..
موضوعك بسيط و لا تشيلي همه كم خطوة ان شاء الله و تقدرين تعدين بنتك من هالمرحلة ان شاء الله
و المفروض ما تنصدمي ابدا و تكونين متوقعة هالشيء .. جيل الدنيا كلها مفتوحة قدامه بضغطة زر يشوف كل شي و يقرأ كل شيء انتي مانعتهم يشوفونه او يقرأونه

أول شيء يا قلبي ..
1- لا تمنعين بنتك من الدخول للنت ابدا .. لكن قنني اوقات دخولها (عصرية مثلا او مغربية اي وقت تختارينه و يكون وقت حركة اهل البيت و نشاطهم مو وقت النوم يسرح بها الشيطان و يوديها وين ما يوديها)
2- ما تحذفين حساب بنتك حق الانسقرام او اي حساب برنامج ثاني زي تويتر او فيس بوك او تمبلر او مدري ايش يا كثر خرابيطهم لكن شاركيها فيهم .. يعني يصير مشترك بينك و بينها انتي و هي تستعملونه و تعمدي مثلا تضيفين زميلاتك عشان يكون حجة لك كل مرة تنطين و تشيكين
3- ممنوع ان بنتك تستعمل النت في غرفتها الخاصة او في مكان معزول .. خليها تستعمله في صالة جلوسك انتي و ابوها و اخوانها تحت عينك ..
4- عادي جدا انك تناقشيها في تغريداتها او الصور اللي تنشرها او الناس اللي تتابعهم او يتابعونها بس بطريقة صديقة لصديقتها ..
5- تقدري كمان اذا عندك احد تثقين فيه من اخواتك او بنات اخواتك اللي اكبر منها انك تخلينها تتابعها او تصاحبها عشان تنتبه لنوعية الاشياء او الناس اللي تتابعهم
6- حاولي تزوديها بروايات او قصص بريئة من عندك اشتريها لها و اطلبي منها انها تحاول مثلا انها تقلد و تكتب و لها مكافأة ..
7- دائما حاولي تنتقدي نوعية القصص اللي تقرأها بنتك (قصص الحب و الخ) و نوعية الناس اللي تقرأها امام اخواتك او في الجلسات العائلية و تكون بنتك موجودة يعني انتقاد بطريقة غير مباشرة كأنك منتي دارية عن بنتك..


و الله يصلح لك بنتك و بنات المسلمين و يصلحنا احنا كمان