السلام عليكم ورحمة الله وبركاتة
انا بدخل في الموضوع على طول اليوم كان اخر اختبار لي ف الجامعه بعد ماخلصت اختبار طلعت استنى زوجي
جتني وحدة اعرفها وسلمت علي وتسأل عن الاختبارات الا الان الوضع طبيعي طبعا البنت تعرف اني متزوجه
وكانت صديقتي تقول لي انها تلمح تبي تخطب ل اخوها انا ابدا مااهتميت ف الموضوع المهم البنت اليوم قالت ممكن اكلمك في موضوع طبعا كنت واقفه معها ومعنا ثنتين من صديقاتها قلت اوكيه مافيه مشكله قالت انا ابخطبك ل اخوي انا ضحكت وقلت لها شكلك نسيتي اني متزوجه قالت لا مانسيت تقول انا كلمت اخوي عنك وانتي عجبتيه وهو مستعد يوفر لك اللي تبينها تقصد اتطلقي من زوجك انا رديت عليها وقلت انا مرتاحه مع زوجي قالت لاتستعجلين في الرد بنات قالتها وهي واثقه من نفسها وراحت وتركتني جاء زوجي وطلعت وكنت مره مرتبكه وهو لاحظ سالني ماحليتي ف الاختبار قلت الا حليت قال ليه مرتبكه انا سكت مارديت وهو راح لدوامه وانا ادق على اختي ماترد ابغي استشيرها لاني خفت ان البنت تضرني او توصل كلام لزوجي لانه كانت واثقه انو احنا بننفصل لاتقولون يمكن حاطه عينها على زوجك هي متزوجه وحامل بعد المهم قعدت اتصل ع اختي ماترد قمت كتبت لها مسج ب اللي صار وارسلتها انا ارسلته على جوال زوجي ب الغلط والله ماانتبهت رجع من العمل والوضع طبيعي سلم علي وقال تعالي ابغيك في موضوع قلت خير طلع جواله وفتح المسج انا انصدمت قلت له بروح اصلي العشاء قال مالك وجه تقابليني اناسكت لحقني وقال سوي لي اكل انا بروح ل ابوي وارجع بنات انا انصدمت ابدا ماحسيته غار علي ب العكس الوضع طبيعي جاء وجلس ع التلفزيون سالته انت تحبني قال ايوه احبك قلت وش تعليقك ع السالفه سكت قلت انا ماقلت لك عشان ماتزعل واناخايفه انو البنت تضرنا قال بتسوي لنا سحر مثلا انا انصدمت قلت البنت واثقه من نفسها قال مو صاير شي قالت على الاقل حسسني انك مهتم انت ابدا ما ابديت ردة فعل قال اعطيني الريموت بتابع المباره بنات والله احس بصدمه احسه ابدا مايحبني
الله يخليكم ساعدوني كيف اتعامل معه انا الحين مخاصمته
lo0ots @lo0ots
عضوة جديدة
يلزم عليك تسجيل الدخول أولًا لكتابة تعليق.
روج شفاف
•
لا تزعلين ولاشي يمكن حس انه ملعوب منك واذا صرتي انك تبينه يغار يبي يحس انه كذبه منك خلاص انسي الموضوع ولا تجيبين سيرته له وانسيه
صحيح الدنيا ما فيها امان مهيب صاحيه تخطب وحده متزوجه انتبهي واخذي حذرك من ها الاشكال تراها خطره الله يستر عليك منها ويسخر لك زوجك
مجنونه ذي تخطب لاخوها وانتي متزوجه البنات اللي يدورون الستر واجد
حبكت عليك يعني
اكيد زوجك مقهور بس ماراح يوصل احساسه لك
حبكت عليك يعني
اكيد زوجك مقهور بس ماراح يوصل احساسه لك
الصفحة الأخيرة
تبينه يبوس رجليك ويقولك تكفين لاتخليني ، واتوقع مقهورر قوة بس كاتم كل هذا بقلبه
اتركي عنك البنت وخرابيطها اصلن ماتخاف من ربها تبيك تتطلقين عشان اخوووه المصون !!!!!!!