السلام عليكم ورحمة الله وبركاته
من كثر ماقريت في هالقسم من قصص بعض الحريم مع ازواجهم .... تذكرت قصصي مع زوجي يوم كناعايشين مع بعض
<<الله يعدل الحال ويجمعنا على خييير >>:44:
مره من المرات قرب ذكرى زواجنا الرابع وكنا حريصين بعض الشي على نكون مع بعض ونحتفل بشكل بسيط
المهم جاء اليوم اللي انتظره ..>>>> ذكرى زواجنا
على الاقل فيه تغيير شوي من الروتين القاتل ..اختكم من الحماس قامت بدري وقومت عيالي معي عشان
ينامون بدري وانا الله يعيني قمت أشرب قهوه وشاي على المغرب عشان اصحصح للـ ليل ....>> وياليتني ماصحصحت
ليتني نمت احسن .
المهم شيكت على البيت لاني من البارح منظفته ..عملت غدا لزوجي تغدا وطلع >> متفقه معه ومايرجع الا الساعه 9
جاء العصر قمت وصلحت كيكه وجهزت عصير برتقال فرش وحطيته بالثلاجه ....
رحت للغرفه ورتبتها بعد زوجي وطلعت المفرش الجديد >>> كنت مخبيته في خزانت ملابسي
شريته قبل يومين انا واختي مودينا سواقها ..وشريت كم شمعه لزوم الرمنسيه >> ليتني ريحت نفسي وفرت فلوسي .
المهم يوم جاء المغرب ..صلحت عشاء لعيالي لانهم بدو يدوخون من اللعب والتعب ..
سبحتهم لان السباحه دوخ شوي وعشيتهم وشغلت لهم افلام كرتون ما اذن العشاء الا وهم نايمين ..
شلتهم وديتهم لغرفتهم وصكيت الباب عليهم .
رحت وغسلت مواعيني وطلعت كيكتي و قطعتها وخذت العصير وحطيتهم على الطاوله اللي بالصاله
وزعت اربع شموع حوالين الكيكه والعصير ..طفيت اللمبات .
وطيرااان عالحمام <<اكرمكم الله >>..
أخذت شور ودلكت نفس تدليك مو صاحي عسى الزيوت اللي فيني تطلع >> مغرقه عمري من راسي اللين ماطااي
ليتني قعدت عند التلفزيون اشرب شاي وافصفص كان ابرك بلا زيت بلا شور بغى يتقطع لحمي >>محد عبرهاا
المهم والبس قميص النوم الجديد واللون اللي يحبه وحط شوي قلوس وشوي بلاشر وكحل قلم بسيط داخل العين
>>على هونك محد حولك .
المهم دقت الساعه اشوف الا هي 9 ويدق قلبي >>عروس على غفله
عاد انا قايلتله اذا جت الساعه تسع خلك قريب ادق عليك تجي >>قلت يمكن ما خلص تسع بالضبط
المهم ناظرت يمين ناظرت يسار ..جوالي وين جوااالي وادور واحوس مالقيته >>واسيت نفسي قلت زوجي بيتذكر الموعد
وبيدق على الجوال وبسمع الرنه وبعرف مكانه واذا مالقيته ولا رديت عليه اوردي بيدق على الثابت ..
آآآآآآآآآآه يابنات لادق ولا لقيت الموبا يل والساعه تمشي بغيت احذفها بجزمه >>كرمكم الله
وجلست على كنبت الصاله مره يمين ومره شمال ومره امشي بالصاله كني اطلق .
ياربي وينه ليكون صار له شي ولا عندي جيران اروح لهم وكلم من عندهم انا تلفوني استقبال ما سددناه يوم زوجي
بسنه .
والمشكله ان هذا اليوم محد دق علي لا اهلي ولا صاحباتي عشان اخليهم يكلمون زوجي الفاغر >>فاكرين اننا غارقين
بالعسل .
وتمر الساعات وتجي الساعه ال12 ...... واسمع مفتاح الباب واركض للباب مقهوره منه وفرحانه بسلامته .
آآآآآآآآآآآآآآآآآآآآآخ يابنات تدرون وش قالي وهو ما سك الباب عشان محد يشوفني >> متوقع اني بجيه اركض ...
قال ادخلي داخل معي رجال وزيني قهوه وشاهي ..
من القهر رحت لغرفتي ولبست روب روز >>>روب الزعل مايطيقه ابو الشباب .
ولميت شعري ورحت للمطبخ وسويت القهوه والشاي ودخل وهو مستحي انه ضيع اليوم ونقض الاتفاق >> لا تقولون فيه
رجاء ....بو طبيع مايجوز عن طبعه .
طالعته بنظرة زعل ..قال لا طالعيني كذا اذا نام الرجال فهمتك الموضوع .... ايش ينام هلا هلا >>> ناويه اصارخ وهز البيت
هز ..
رحت وانسدحت على الفراش وبروب الروز >>ناويه اغثه .
دخل علي وقف شوي وأنبهر بالتغيير الحاصل بالغرفه والشموع والمفرش اللي على السرير وناظرني بنظره منكسره
بس انا شلت عيني منه بسرعه وحطيت علي الفرش و لاعبرته ..خذا فراش للضيف وطلع .
رجع لي وقال من جد انا اسف >>>واختكم ولا كلمه اذن من طين واذن من عجين .
قال صراحه انا جلست مع الشباب لين الساعه 11 نسيت الموضوع بالمره تعرفين البلوت يضيع الوقت ...طب ليه انتي ما
دقيتي علي ..تعرفين اني نسااي ..ويوم جات الساعه 11 دق علي ولد عمي بالمطار يبي يجي عندي عشان موعد
المقابله تبع الوظيفه ..تعرفين المطار بعييد بس والله وانا راجع معه البيت تذكرت وضاااق صدري >>>>>>>> هههه شر
البلية ما يضحك ..
المهم انا ما عطيته وجه بالمره ..زهقت وانا تحت الفراش ابي انام عشان اقهره بس ما جاني نوم القهوه بدا مفعولها .
يوم جاء اليوم الثاني قالي زوجي ان شاء الله اليوم نحتفل قلت اسفه احتفل الحالك ما ني ناويه انصدم مره ثانيه ..
قال ولا يهمك نتمشى برا البيت والعيال نزلهم عند اهلك .
قلت آآآآآآآسفه اطلع انت وعيالك ..مالي خلق >>>ودي اركب قبله في السياره
ثقلت شويتين بعد الحاح قلت افكر ...
بعدها ماشافني الا لابسه العبايه وأقول يالله ماكذب عليكم يابنات جاته ضحكه ..بس شسوي انتهاز الفرص مو من كثر
تمشياته.
المهم يابنات انا الحين في وادي وهو في وادي يعني مفترقييين بسب مشاكل انتوا في غنى عنها.
تكفون ادعولنا يابنات بلم الشمل على خييير .
يلزم عليك تسجيل الدخول أولًا لكتابة تعليق.
toma4u
•
اسأل الله ان يجمع بينك وبينه على خير وبأحسن حال_
الصفحة الأخيرة