السلام عليكم
ما ادري من وين ابدأ لكن
شوفوا هالموقف اللي حدث لزميله لي كانت تجلس بغرفة الانتظار بالمستشفى ومعها بنتها المعاقه واللي تعاني من نشاط زائد وقلة تركيز يعني الام تمسك ابنتها ولاتبعد عنها وتخليها تحت نظرها يعني معاناة...
الممهم تقول وانا بالانتظار وكل شوي اقوم الحق بنتي واجيبها الله يشفيها واجلسها بجنبي واشغلها بجوالي جت وحده وجلست
معي بالانتظار واضح عليها ماشاء الله انها من طبقه راقيه لبس واناقه واضح بعبايتها وشنطتها المهم تقول انا مشغوله ومتوتره مع بنتي واضح علي مو فاضيه لاحد الا الاخت فجاءة تقول لي بصوت عالي :
لو سمحتي ..
تقول قلت نعم
قالت تعرفين احد يبي يشتري ملابس مناسبات (تخيلوا بدون اي مقدمات وحتى شكل زميلتي ما يأهل ان احد يكلمها اعرفها اذا صارت بنتها معها الله يشفيها )
تقول رديت وقلت لا عشان ما ادخل بتفاصيل معها
تقول الا فجاءه دخلت بالسالفه وانا ماسألتها عن شي قالت عندي فساتين واقمشتها راقيه ومن العيسائي فستان لونه كذا الكل انهبل على تصميمه لبسته بزواج بنت اخت زوجي والفستان الثاني شكله كذا ..............الخ :09: من التفاصيل اللي مالها داعي
المهم تقول انا ما ابغى اتكلم معها لان بنتي بأي لحظه بتقوم وبالحقها ولا ابغى اقطع كلام الحرررمه من باب الادب وعدم الاحراج عشان كذا اتجنب الناس وبنتي معي والمفروض هي شافت وضعي ماتكلمت او دخلت بتفاصيل وبمكان غير مناسب الناس مرضى وتعبانين وهي جايه تعرض ملابسها علينا يعني من تعبي احتقرت تصرفها بذيك الساعه ..
المهم تقول اختصرت عليها وقلت حطيهم عند مشاغل هم يصرفونها لك وفرحت لما جاء دوري تعبت من بنتي
تقول لما طلعت شفتها هي وزوجها برا سبحان الله الا زوجي يقول شفتي هذا(لانه كان جالس معه بالانتظار) شغله كذا وزوجته معيده بالجامعه وعندهم ولد فيه كذا وسبق اشتغل بالشرقيه ....الخ المهم طلع زوجها نفس النوعيه لدرجة اقول لزوجي كل هذا علمك اكيد انت علمته عن حياتنا قال والله انه مايدري عن اي شي عني عطاني كلمه وبعدها انفرط يسولف ماشاء الله يالرواقه ... تقول انصدمت بصراحه انها معيده يعني انسانه واعيه كيف يصدر منها هالتصرف لو جلست مع وحده فيها سرطان او اي مرض هل بتتقبل عروضها وسواليفها على الاقل لو كان شكلي يؤهل كان اعذرها لكن وضعي مع بنتي واضح اذا الانسانه المثقفه ماتقدر وش فايدة العلم والرقي .....
انتم وش تقييمكم للموقف انا اقول لها فيهم طهارة قلب لكن مايعرفون يميزون الاوقات المناسبه بانتظار تقييمكم للموقف
اخواتي اللي يقولون وش فايدة الموضوع لو ماله معنى مادخلتوا الله يرضى عليكم ولا تكلفتوا ورديتوا!!!!!!!!
بل العكس اعتقد ان طرح مثل هالمواضيع يفيد ان الشخص ممكن ينتبه لشيئ مو حاس فيه وكم من موضوع وموقف استفدنا منه لانكابر
مثل هذه المراءة يمكن هي تتكلم بطهاره لكن مو متصوره كيف ضايقت غيرها او حتى اذته ...
واللي تقول يكفي تقييمك وكأنها تسخر اقول جزاك الله الجنة على هالرد
الناصحة 2 @alnash_2_1
محررة برونزية
يلزم عليك تسجيل الدخول أولًا لكتابة تعليق.
اختي الغاليه مايخصها العلم والدرجه العلميه في الرقي انا اعرف واحد من الاهل دكتور في الجامعه ودارس طول حياته برع لكن ذرة ادب واخلاق مافيه انسان نسال الله العافيه الفاظه بذيئة والكل يشتكي منه ويتدخل فيمالايعنيه وينتقد الجميع ومحد سلم من شره ومكروه من الجميع الله لو بكتب فيه لين الليل مابخلص ادعوه له ربي يهديه وصدقيني مب شرط الي عنده درجه علميه ومتعلم يكون مثل ماتقولين الرقي والاخلاق احسها هبة من الرحمن سبحانك اللهم وبحمدك اشهد ان لااله الا انت استغفرك واتوب اليك :26:
والله شكلها فااااااااااااااااااااااااااااااضيه
من جدها ذي بالمستشفى وتعرض بضايعها ولا ملبوسه بعد صدق اصحاب العقول براحه
ياكثرهم بالمستشفيات حتى الشحاذين متواجدين هناك الله يهدي الجميع
من جدها ذي بالمستشفى وتعرض بضايعها ولا ملبوسه بعد صدق اصحاب العقول براحه
ياكثرهم بالمستشفيات حتى الشحاذين متواجدين هناك الله يهدي الجميع
loOoOola
•
بصراحة المكان ابدا مو مناسب انها تتكلم عن فساتين وما ادري اش هوا!!
الله يشفي بنت صديقتك..
الله يشفي بنت صديقتك..
الصفحة الأخيرة
سبحان الله وبحمده
سبحان الله العظيم
لاحول ولاقوه إلا بالله
يارب فرج علي وجميع المسلمين