صدمه بعد خمس سنين

انا يابنات متزوجة من خمس سنين و عندي بنت وحامل الآن المهم حياتنا انا وزوجي كانت ماشيه عاديه شويه حلوه شويه وحشه مشاكل ونحلها لحد من شهرين سهرانين وانا ع اللاب باقوله ايه ده ياااااااه فيديو فرحنا بقالي كتير ماشفتهوش وشغلته لقيته بيقولي ايه ده هي البنت دي جت الفرح وشاورلي على واحده باقوله هي مين دي قالي دي كنت اعرفها زمان قلتله حب وكده قالي لالا ماوصلتش للحب انا سكت وماعلقتش وخلاص تاني يوم باهزر معاه باقوله بس ايه عملت معاها ايه سينمات وخروج وكده ولا اكتر قالي ايه الكلام ده اه ماشي ده كان ف الأول وبعدين لقيتها مره قلعتلي هدومها وقالتلي انا مش بنت بنوت اصلا وحصل وقعد يكمل باقي التفاصيل وكانت لابسه ايه وعامله ايه وانه فضل معاها سنه كده وكانوا بيسافروا مع بعض وعلاقتهم زي المتجوزين وأكثر شويه طبعا اتصدمت وفضلت يومين مش بأكمله ورجع صالحني وقالي انا بحكيلك عشان اتعلقت بيكي وكأني بكلم صاحبي وحكالي على باقي البنات وأنه بيعمل كده من وهوصغير اوى والمشكله أن في تلاته من النوعية دول حضروا فرحنا وحكالي على حاجات كتير اوى كان بيعملها انا عمرى ماتخيلت أن ده جوزي اللي عشت معاه خمس سنين عمري لحظه ماشكيت فيه ولا تخيلت أن كان ليه ماضي بالقذاره دي هو صالحني ميت مره وحلفلي انه عمره مابص لواحده من يوم مااتخطبنا بس انا الغيره ماليه قلبي وخصوصا اني بيجيلي تخيلات وهو معاهم ببقا نفسي أقوم اقتله انا مش هانكر أن من يوم مافتحلي قلبه واحنا قربنا من بعض اوى حتى العلاقه الخاصه بقت أحلى بكتيييير بس اعمل ايه ف احساس الغيره ده واعمل ايه ف لساني كل شويه اذله وافكره انه كان بيزني وانه كان مش محترم وإني خساره فيه لاني حافظت على نفسي انا عارفه أن كلامي بيوجعه وساعات مش بيعرف ينام بس انا كمان حاسه اني موجوعه ومصدومه قولولي لو أي واحده فيكم مكاني هتعمل ايه هتسامحه ازاي وهتشيل الغيره دي من قلبها ازاي وسوري لو طولت عليكم