صديقاتي البنات 🌸

الموضوع راح يكون طويل شوي لهذا جهزي الكوفي وأرجعي للمنتدى☕️

أيام الثانويه وحده من صديقاتي تزوجت وكنا وقتها صف ثاني ثانوي طبيعي تتغير

تغير شكلها من ناحية اللبس المكياج والصبغات والكعب والذهب في المدرسه

لأننا وقتها جيلنا الزينه الكلاسكيه تكون بالحفلات والمناسبات وليس في المدرسه
( عمري ٣٤ سنه وأعتقد ألي في سني راح تفهمني أكثر لأن زمان أيام المدرسه كانت الزينه بسيطه مو مثل هالجيل ماشاء الله )

تغيرت شخصيتها هدوء قل مزاحها عكس شلتنا😄 وهذا طبيعي

و لاحظت أن المرح عند البنات وأنبسط معهم

صديقاتي ثنتين فقط متزوجات والباقي بنات وأغلب طلعاتي معهم وهذا طبيعي لأن المتزوجه والأم تكون مرتبطه ومسؤوليات مع أطفالها

حتى عند الأقارب أجلس مع البنات أكثر من الحريم

الاهتمامات والهوايات وحده في الموضه وعزايم الفطور والحفلات

ما أقول أن المتزوجات ثقالة دم وبرود لكن ما أنسجم معهم و كانت أمي تستغرب مني أول زواجي وبعد ما جبت ولدي الأول

يعني مره في زواج بنت عمي بعد أنتهت الزفه وتصورت في الكوشه
جت فقرة رمي المسكه للانسات العازبات 💐 بنعرف مين يتزوج بعدها
رمت المسكه و كنت جالسه عند الكانبات القريبه من الكوشه مع أمي وأختي الكبيره
جت المسكه فوقي
وأقول لأمي لو أني وقفت كان مسكتها وأمي تستغرب وتقول الفقره للبنات وصراحه ضحكت من الموقف

موقف ثاني كنا حابين نطلع نتغدا أعتذرو صديقاتي المتزوجات لأن كانت فترة أختبارات وعندهم عيال أكبر من ولدي بالمتوسطه وولدي كان أبتدائي ومعطل وقالوا لنا بمزح أنتم ماوراكم شي مثلنا تدريس ومراجعه

ملاحظه :
البنات مو كلهم عندهم وقت فراغ
صحيح ماعندها زوج وأطفال والبعض يشوف أنها فاضيه لكن وقتها مو كله لها
الدوام مأخذ أغلب يومها
ولأنهم يشتغلون في شركات الآن صارت طلعتنا معهم على العشاء



ممكن تستغربون لكن صراحه أنبسط مع البنات أكثر من المتزوجات مين مثلي🎤 وأترك المايك لكم