البنات اللي ردوا وشكروني يعلم الله ماقصدت اتودد لاحد بس هذا هو الواقع مافي شي كامل
لازم الانسان يرضى بأنصاف الحلول 

يعطيكم العافيه ويسعدكم ربي وين ماكنتو:26:


الحبيبه دنيا من الفرح 

راجعي كلامي يالغاليه في بنات ترضى تكون زوجة ثانيه هي حره وانا وجهت كلامي للي بتكون الثانيه لان الرجال يبي تعدد فقط وعطيتها نصيحه انه لودام لغيرك ماكان وصل لعندك
وتأكدي اي رجال يتزوج عشان يجدد شبابه بيكون ظالم فلاتقولين الزوجه الاولى ماقدرته وانتي وش دراك بالحريم يعني يوم صار عياله كبره رد عقله اجل وش صبرك كل هالمده وليه تخلف منها يومك ماتحبها
ولانه ناكر للعشره طبيعي بيطير بعجة الزوجة الثانيه 

لكن لي صار وقت الحساب وشق مايل ساعتها خلي الزوجة الثانيه واللي رضت بظلم الأولى تتحمل معه الاثم


غريبه حالت بعض الناس تظلم وتتكبر وتتجبر ونست ان فيه آخره وحساب وعقاب
خافي الله ترى النهاية تراب وربي مايرضى الظلم لو كل وحده خافت ربي وحمدت ربي انها عفت نفسها بالحلال تتحول لوحش وتظلم ليه وعشان مين ؟!

غيرة الحريم موجوده عائشه تقول لرسول عن خديجه حمراء الشدقين كنايه عن اسنانها اللي تساقطت فغضب الرسول وهو يحب عائشه فكيف بحالنا بنات عاديات اكيد بنغار لكن ليه نخلي الغيره سبب لتبرير الظلم والحقد؟! 

انا برضى في حال كانت مريضه اوعقيم ولازم برضاها فهمتي  

اما سالفة الحب للحبيب الأولي واثقه من كلامي واتحدى وحده تنكر هالشي :)

اكيد مو كل الرجال لكن الاغلب اممممم يعني نسبة 90٪ 

يوم تقولي رفضتي عالشيخ اللؤطه لأنها قناعتك خلاص يعني هذا شي مقتنعه فيه الله يوفقك

وحده غيرك بترضى يعني وقف التعدد عليك

الزبده ومافيه هوشه ان شاء الله انا نصحت البنات المتأخرات
1- اذا حدها الزمن ماباليد حيله والله يعينها على حياتها الجديده والامر له توابع لازم تتحملها الحياة مو كلها حبني واحبك ولاكانت الدنيا جنه وسعاده
2-في بنات متأخرات بالزواج فترمي نفسها على اول واحد يطق الباب وبعدها ياليت الي جرى ماكان:(
3- في بنات على بالها الدنيا على كيفها اجرب والادهى لو كانت التجربه ثمنها عيال مالهم ذنب
4-في بنات كسرت نفسها عشان تأخرت بالزواج ليه حرام عليك هذا اعتراض على حكم ربي
5- هذي وجهة نظر واحنا نتحاور وكلن بعقله راضي:26:

بنات البنت دخلت موضوعي وداست بساطي فلها الحشيمه وان كان غلطت فامسحوها بوجهي
انا مانزلت الموضوع الا وعارفه وش بيصير ويشهد الله علي مابي مادح ولاشي كل اللي بخاطري
مجرد توضيح ونصيحة من محبه لكم فقط لا اكثر ولا اقل ربي يجمعني واياكم بجنة الفردوس

داخله من جوالي السموحه بنات تكرر الرد مرتين

تسلم اناملك ياصاحبه الموضوع"اسأل من الله ان يعطيك حتى يرضيك"

السلام عليكم ورحمه الله وبركاته
هلا صديقتي اخبارك ياعرووسه بشريني عنك فديتك
ياقلبي احنا مو عوانس انسسات فديتك عمرك سمعتي في القران كلمه عوانس طبعااااا لا ليش نطلق كلمات بمجرد سماعها مثل الببغاء واللي تقول مجتمع للاسف مجتمع فاششل لانه يردد كلمات حتى مايعرف وش معناها المهم نرجع لمحاور حديثنا فديتك كلنا نبي نعرس ونستقر وهذي امنيه كل بنت في الكون والزواج سنه الله في خلقه بس لكل فتاه تظروف تجبرهااا على متزوج وانا معاااك بس اني بتزوج من هب ودب بس علشان يقولون لي متزوجه واتفك من العنوسه لا ولله يختي اهم ماعلي نفسي وراحتي متى ما ارد الله اتزوج راح اتزوج بحوله وقوته باذن الله وان شاء لله باذن الله راح يرزقني ربي وياك وبنات المسلمين بزواج صالحين طيبين عيونهم عسليه وخدود ورديه عااااازب هههههههههههههههه يارب اضحكي ياقلبي وش ماخذين من الدنيا يالله العمل الصالح وحسن الختااااااام يارب والحمد الله على كل حال يارب يارب يارب يا ارحم الراحمين ارزقني واخواتي في الله اللاتي يردن الستر والعفاف في الازواج الصالحين الطيبيين من غير مشقه ولا تعب يارب الله يكرمنا ولا يهيننا ويزدنا ولا ينقصان ويعطينا ولا يحرمنا يارب اللهم امين

كنت اظن كلمة عانس بس عندنا واتفاجئ في مسلسل اجنبي وحده عمرها ٣٠ تصغرنفسها وتقول ٢٨ عشان مايقولون عنها عانس

spinster تعني عانس 

احسكم تتحسسون من هالكلمه ليه؟!
هل هي عيب ولاحرام اي عانس وش فيها يعني مجرد لقب راح يطلق عليك بس ماراح نخليه يكسرنا ولا نقلل من قدرنا

هذا هم اخوانا المعاقين يفخرون بأعاقتهم ومع ذلك مبدعين هل كلمة معاق كسرتهم ؟!

كل وحده دعت لي اسأل الله ان يعطيها حتى يرضيها ويقر عينها ويجلي هموهاويسعدها دنيا وآخره ياااااارب

والعزبات مابقول يارب ترزقنا ازواج عيونهم عسليه خخخخ 
الا يارب ارزقنا رجال صالحين يقدرون وش معنى زوجة وعسانا نطب في حمولة طيبه وتكون دخلتنا خير عليهم يااااارب

تذكرون الطفل الغامدي الله يرحمه وقبله بنت عذبتها زوجة ابوها
كم أم تتعذب على ظناها والسبب زوجة ثانيه ماتخاف الله ولا زوجة اب متسلطه

اوجه هالكلام لبنات جيلي خلاص يابنات احنا متعلمات فاهمات زمن العمه الشريره نبيه ينتهي ، زمن الشريكه الي ترضى بالظلم نبيه يتوقف 

خلونا نعيش بسلام نرضى بالواقع نحمد الله ونكون بلسم بدل مانحول حياتنا وحياة غيرنا علقم