صديقاتي بيتركوني.........ساعدوني

السلام عليكم ورحمة الله وبركاته
وش اخباركم ..
انشاالله طيبين
اتمنى من كل وحدة تدخل ما تضحك علي ؟؟:22: :hahaha:
مشكلتي هي: اني






















م















ا












ع



















ن
















د





















ي
























ا



















س






















ل


























و
























ب




































عرفتوا!!!!!!!!!!!!!!!!!!!!!!!!!
ما عندي اسلوب
حتى صديقاتي مااعرف ارد عليهم مو بس صديقاتي حتى اقاربنا حتى امي وابوي
والمشكلة انهم يفسرون هذا على اني شايفة نفسي ومتكبرة
وانا اصلا ماارد لاني ماادري وش اقول؟؟ حتى بنت اختي اللي عمرها5سنوات احسن مني
والمشكلة اني مااختار اصادق الا اللي السنتهم تنقط عسل
مثلا : اذاقابلت او كلمت صديقتي في التلفون وانا لي مدة ماشفتها
تعالوا شوفوني ودي الارض تنشق وتبلعني
والا الحين وحدة من اقاربنا تخرجت بس تو النتيجة ما طلعت
وانا لي مدة ماشفتها ؟؟شايلة هم وشلون ابارك لها
عاد هي ماشاالله عليها كل الكلام الزين عندها؟؟
تدرون وش سويت ؟؟ ارسلت لها رساله بالجوال وباركت لها
شوي الا دقت علي البنت
تعالوا شوفوا وش صار لي ؟؟
كنت جالسة آكل لما شفت اسمها تركت الاكل ونطيت زي المجنونة
وبغيت ارجع اللي كليته "الله يكرمكم" واخر شي ما رديت!!
لاني متأكدة بتقول لي كلام وماراح اعرف ارد
فقلت ما ارد احسن
شفتوا حسن التصرف
.. حتى فيه وحدة من زميلاتنا توفى جدها !! ما عزيتها
لاني مااعرف وش اقول
يمكن الحين تضحكون بس والله اني اعاني كثير من هالمشكلة
لاني دايما متهمة بأني متكبرة حتى المناسبات صرت اكرهها ولا احب اروح لها
حتى دخلت دورة ابي اعرف اتكلم زي الناس ولا فيه فايدة
عاد الحين موسم المناسبات نجاح , تخرج , زواج , سفر ...
يله الله يعيني "اللي عندها مثل مشكلتي تقول عشان نفضفض لبعض
الله يعافيكم ويوفقكم ويجمعنا بكم في الجنة وحدة تتبرع تعطينا دروس خصوصية في فن الكلام :09:
وبالسعر اللي تحدده <<<<<< لا تصدقون
يكفي اللي دفعته في الدورة ولا جاب نتيجة
بس والله بادعيلكم من كل قلبي
ارجو من كل وحدة تدخل تقول اي عبارة والرد عليها
مثلا:
عظم الله اجرك >> جزاك الله خير <<< مااعرف الا هي ........ههههههههههه
كملوا الباقي
عمرة مقبولة >>
الحمدلله على السلامة>>
عاش من شافك>>
عاش من سمع صوتك>>
وش الدنيا بك>>
وين الناس>>
فلانة تسلم عليك>>
سلميني على علانة>>
الا اللي يحج وش ينقال له؟؟؟!!!!

لا واللي يقهرني اذا جيت اودع استاذة اوطالبة بتتخرج
اذا قالوا لي نشوفك على خير والا استاذة تقول حلليني على التقصير وش اقووووووووووول
"مع انها ما قصرت في شيء" اتفرج عليهم وانا ساكتة والمشكلة مايقولون مسكينة ما تعرف ترد
يقولون باردة وشايفة نفسها هئ هئ هئ هئ هئ هئ هئ هئ هئ هئ هئ
يله الله يعافيكم همتكم معي انشاالله الاسبوع الجاي عندي مشروع تدرون وش هو ؟؟
وحدة تدرس معنا بتتخرج من زمان ما شفتها وابي ابارك لها واودعها في نفس الوقت <<< من صعوبته قلت مشروع ."طبعا بالتلفون"
مع انها ماراح تعطيني فرصة اتكلم ماشاالله والله اني اغبطها على لسانها :(
يله هذا الدرس الاول من تتبرع وتبدأ معي
الله يوفقها ويجزاها الف خير ويرزقها من خيري الدنيا والا خرة ويحقق لها اللي تتمنى ويجمعنا بها وباحبابها في الفردوس ....آمين