صديقاتي ماالحل ؟؟

السلام عليكم ورحمة الله وبركاته

عزيزاتي احب اعرض عليكم مشكلتي مع صديقاتي (وباكتبها بالعامي ) واعذروني لو كتابتي ملخبطه

احب اقول اول عن نفسي انا انسانه حساسه صح لكن والله اني اراعي الي حولي بشكل مبالغ
غصبا عني ماحب ازعل او اجرح احد حتى لو على حساب راحتي وهذا مو مدح من نفسي كل خواتي ملاحظين

المهم لي صديقتين تعرفت عليهم من فتره يمكن 7 او8 سنين وكنا مع بعض مثل الخوات
طبعا بحكم ان اهلي وخواتي مو بنفس بمنطقتي كنت متعلقه بصديقاتي ونتقابل كل اخر اسبوع
وانا اسال واتصل وحده منهاالثنتين تتصل وتسال بعد امالثانيه نادرا وكنت اعذرها انها مشغوله

اول شي انا الثانيه هذي دايم اذا اجتمعنا تنتقد قهوتي او اي شي يكون مني حلى كيك الا هو الا تحط عيب
والله بس هي بدليل الباقين ياكلون ويثنون عليه او يكون عادي بس مو انه ينتقد
وانا كنت اسكت وماارد عليها لان اكون مبسوطه معاهم والجلسه حلوه ومابخربها(كتبت هالمواقف علشان
ابين كيف كنت اعاني منها)

بعد مده سافرت لبلد بعيد ورجعت ومنها بدت مشاكلي معهم لا اتصال ولاسؤال وكنت اعذرهم اقول مشغولين
لكن ماكنت اتصل لان انا لي الحق انا راجعه من سفربعيد
وسافرت مره ثانيه وثالثه ونفس الشي
وبعد مااستقريت حاولو يجووني والله فرحت واستقبلتهم ومن بعدها خلااص لازياره ولاشي
واكتشفت انهم زاروني بس للاشراف بيشوفون وش جبت وش سويت يمكن تقولون انا ابالغ
لكن الي صار انه لي بعدهالسالفه تقريبا سنتين ما رزنا بعض الا مرات قليله واعتقد انها صارت بالغصب
والا كنا حنا اول كل اخر اسبوع مع بعض

الصراحه قمت الوم نفسي انا لاني كنت مره اعزهم وصرت اقول اكيد مايرغبون بجلستي
طيب ليه قبل كنا كل اسبوع عند وحده لوكانو فعلا مااعجبهم كان طنشو من اول لكن هم ناتغيرو الامن قريب

والا قهرني اكثر انهم يطلعون استراحات وطلعات سوا ولا يقولون لي
وارسلت لوحده منهم كانت تتصل واعاتبها قالت صيري احسن من واتصلي انا مشغوله
وقبل كم يوم تعوذت من ابليس واتصلت قالت بنتها ماما مشغوله وانتظر ترجع تتصل ولا اتصلت

والله عرض الاتصالات الاتصال المجاني والرسايل ماشفت منهم شي
انا الي حاز في خاطري اني حددت زيارتي عليهن بس وكانومعوضيني عن اهلي
والحين طنشوا هم سكنو قريب من بعض يمكن علشان كذا انشغلو الله يعلم؟؟

واحب اقول والله مو مدح لنفسي كانت وحده منهم لو ماتصلت تسأل وتلزم علي ازورها
حتى لووسط الاسبوع وكنا ننام عند بعض اذا سافرو ازواجنا يعني مو اني مو مرغوبه او مايحبون جلستي
وانا فارضه نفسي لا والله لان حساسه بالامور لوحسيت شوي انهم مايحبون كان سحبت نفسي
لكن بعدمارجعت من السفر ماعرف وش صار لهم رغم اني جبت لهم هدايا يعني مو نسيتهم

بالختام انا اكثر شي الوم نفسي لان ماتعرفت على غيرهم والله لو ما الوحده وبعد اهلي مادورت احد
والوم نفسي اني راعيتهم وجاملتهم حتى صار مالي قيمه عندهم
وحسيت انهم يبون انا الي احرص وادورهم واسال يعني مايبغون يكلفون على نفسهم بشي

يا بنات انا اتصلت وسالت والله وحده مرض ولدها وانا زعلانه لكن رحت وزرتها وقلت عيب واجب
لكن هم مايسالون ولا زياده يوم عاتبتهم قالو صيري احسن مننا واتصل انت

الحين انا خلااااااص ناويه اقطعهم هل قراري صح؟؟
طيب ابغى انسى وما افكر انا ذابحني التفكير لان الي كان بيننا كبير لو اكتب لبكره ماتصدقون كيف كنا
وفجاءه يقطعوني؟؟
والله ماابغى امدح بنفسي لكن كانو يحبون جلستي واحيانا يتمنون ازواجنا يسافرون يقولون نحب نسهر سوا
حيروني الصراحه ؟؟

اعذروني طولت عليك لكن طمعانه بردودكم