صديقاتي والعرسان

:icon28: السلام عليكم يا بنات
بصراحه وبدون مقدمات انا عندي مشكله افكر فيها ومستغربه منها بتصير معي اشياء غريبه وكل ها باسبوع واحد ونظام واحد.
انا فتاه عمري 21 سنه عندي صديقات مقربات وما بيجيني عرسان كتيير يعني عادي بس المشكله وين انا رح اقول:
عندي ثلاث صديقات : الاولي اسمها (ن) الثانيه اسمها (د) الثالثه اسمها (ا) هدول اسامي الصديقات المقربات الي:
الاولي (ن) هي صديقه كانت معي من ايام الثانويه كنت احبها كتير وكنا ما نتفارق عن بعض الا ثواني وهي مش متزوجه فطبعا وعادي انه يجييها عريس واجاها عريس محترم وكويس بس ما رضت فيه لانه من غير جنسيه وهو الاخ من جنسيتي والاخ على قد ما سمع عني منها هي لا نها كانت تحكيله عني كتييير حكالها انو بدو يشوفني عشان يخطبني لانه سال عني وسمع اني مِِؤدبه وحلوه وهيك ولما سمع عني حب يحكي معي وطبعا بعد مواقفه الاهل تكلم معاي لمده نص ساعه على التلقون وقال يعني عجبته وهي مره قلي انه شافني من بعيد لانه كان مع صديقتي بالشغل وانا كنت ازوها وسافرت انا بالصيف وقال بدو يجيب اهله ويشوفني ومن بعدها صارت صديقتي الوصل بيني وبنيه يعني هي تحكيلي عنه وتحكيلو عني وهيك المهم بالنهايه لا بالصيف اجا ولا بعد الصيف لانه صار عنده مشكله ماديه وبعدها انا تعقدت لانه حكيت لاهلي ...ولا اجا الاخ وصرت بصوره مش حلوه امام اهلي واللله يسامحه لانه انا ما بحقد على احد وبصراحه حسيت انه الله ساعدني وخلصني منه لانه مش رجال (للي بيحكي كلام وبيرجع عنه بكون مش رجال) وبعدين عرفت انه صديقتي المقربه حاكيه عني كلم مش كويس لاله وبصراحه تدمرت وخسرت صديقتي وكرهت نفسي .

المهم مرت الايام وانا مع صديقاتي (د) و(ا) والصديقتين ما عليهم كلام
بس بصراحه
(د) انبارح بس حكتلي انها حاطه عيني علي مشان تزوجني لابن عم زوجها
(ا) بتقلي انه خطيبها لمحلها على عروس لصاحبه وسالها عن شكلي انه بركي بصير نصيب
وبصراحه انا سمعت هالكلام ( طبعا ما في شيي رسمي ) بصراحه انصدمت وخفت
يعني يا ربي ليش بس بها الطريقه الللهم لا اعتراض بس ليش العرسان ما بيجوا الا عن طريق صديقاتي يعني انا بعرف انه صديقاتي بحبوني وبحبولي الخير بس ليش مثلا ما يجي حد يشوفني ويعجب فيني بعدين يخطيبني
ليش العرسان بس بيجوا عن طريق صديقاتي
يعني شو برايكم ازا بدهم يصير شي رسمي اوافق ولا لا
وانا بصراحه بس يحكولي بسكت لانه مافي شيي رسمي بس حاطيين عينهم علي طيب انا شو اعمل ؟ شو اقول ؟ شلون اتصرف ؟ اطنش ولا اهتم ولا شو؟
الله يخليكم ساعدوني وادعولي انه الله يوفقني بابن الحلال الكويس واحكولي شو اعمل لاني ما شكيت غير لله وغيركم وشكرا