صديقاتي وثقتي بنفسي.

بســــــــــــــــــــــــــــــــــم الله

ابغاكم تسمعوني وتحلون معاي مشكلتي اللي متعبتني

انا احس البنات مايحبوني واحس اني لما اتكلم يحسبوني كذابه وابدا محد يحملني مسؤليه وما احسهم يثقون فيني دايماً يمكن عشان انا من النوع اللي ما امسك الكلام اغلب الاوقات ولما اعصب اقول كل شي (وماعمري صادقت احد سنين كثيره)
و ثقتييييييي بنفسي معدومه مع اني معروفه بملحي وجاذبيتي ولبسي حلو دايماً ولا عمري تلحجت وكل لبسي ماركات و بيتنا حلو (يعني مو ناقصني شي ) بس ليششش ثقتي معدومه لهدرجه مع ان الناس كثير تمدح في شكلي ويقولون لي ! *في ناس من مدحه وحده يكبرون روسهم وانا لو يمدحوني من اليوم لين بكره يمكن اكبر راسي شوي لحظتها بس ماينفع معاي المدح والثقه معدومه =)

انا جداً حساسه واي شي يأثر فيني لو وحده مثلا قالتلي مالك شغل او مع نفسك اتذكرها وما انساها ابد لكن ما اكره البنت
الناس اذا تعرفو علي على طول يدخلون جو معاي لاني اقعد اسولف واضحك واسوي جو بس كل هذا وانا مستحيه
ما ادري ليش استحي
انا اعرف اتعرف عالناس في البدايه بس بعدين ما اعرف اتواصل معاهم ودايما احس اني ماعندي صديقات
وقبل كم يوم كنت راجعه من بيت صديقتي وتستقبلني امي بالكلام الجارح وتقول البنات مايبونك شوفي محد دخل عليك! (لو عزمتهم بيجون يعني ماله داعي تجيب كلام عالجرح) *امي مو متفاهمه على فكره والبيت كله مو متفاهم مافيه شي اسمه مشاعر عادي كل واحد يجرح الثاني*

انا احس من جد صديقاتي مايبوني يعني صديقاتي مو من النوع اللي 24 ساعه يسألون عني ونادر مايدق جوالي .. وغير كذا انا اذا احد غلط علي اسامحه بسرعه بس تبقى الحركه في قلبي يمكن عشان كيذا هم مو حاسبين لي حساب

ابي ابني هالثقه عشان الناس تثق فيني لان مستحيل يوثقون بوحده هي اصلا مو واثقه من نفسها وابي يصير عندي كثير ناس تسأل عني وكثر صديقاتي (يعني اهتمام :") )