حبيبتي ايش دخل الزوج بوضعك الحالي مع صديقاتك ؟؟ لا تربطين ذا بذاك وصديقاتك اذا كانوا ساحبين عليك تكلمي عاتبيهم واذا ما اهتموا لك دوري غيرهم الدنيا ما وقفت عليهم

وسعي صدرك ماعليك منهم هم فاهمات غلط


الحمد لله انا متزوجه وصديقاتي العزابيات علاقتي معهم نفس اول تماما اللهم السوالف تغيرت شوي لان الوضع والاهتمامات تغيرت


الله يهديهم صديقاتك فاهمات غلط دوري لك صحبه صالحه يعينونك على الخير هذولي اللي ماراح يتغيرون عليك ابد ان شاء الله وانا عندي صديقات بالتحفيظ علاقتنا احسن ما اي علاقه مرت علي من قبل لان حبنا لله وفي الله واغلبهم عزابيات وما في اي مشاكل او فرق او احساس اني متزوجه وهم لا بعلاقتي معهم .. الله يشرح صدرك ويكتب لك الخير بالامور كلهايارب .

ياحبيبتي الدنيا ماتوقف على احد !
اللي جابهم يجيب غيرهم .. اهم شي نفسيتك وهم بقريح
حطي فبالك انهم مستانسين بهالفتره انهم دخلوا حياة جديده بس والله العظيم اصبري شوي بيجون متندمين ويقولون ليتنا ماتزوجنا وياحظك للحينك عزابيه!
خلي نفسك تتقبل اي شي ، توقعي من اقرب الاقرباء يصير كذا عشان لو ابتعدوا ماتنصدمين!
ياختي الدنيا مافيها خير شوي ويحسون بقيمتك ويرجعون .. وانتي لاتراقبينهم هذي متصل وهذي لاء ماراح يجيك الا الهم والتعب وكثرة التفكير والحره!
بس انتي اشغلي نفسك عنهم عندك زماله قديمه خليها صداقه وقوي علاقتك بغيرهم لين ربي يغنيك عنهم ، اذا هم قليلات ادب وتحسين وجودك غير مقبول اطلعي من القروب ليه تقهرين نفسك بالعكس اشتري راحة بالك! وقبل لاتطلعين غيظيهم شوي قولي ( فلانه طبختي الغدا؟ فلانه غسلتي الصحون بمزحه يعني وانتي تغيضينهم ولا فلانه صبغتي اشقر؟ 😉 يقولون اللي تتزوج تصبغ اشقر 😂 ) او صوري طلعاتك ووناستك بيني انك مستانسه وعايشه حياتك صوري مع غيرهم يعنني صديقاتك ولقيتي غيرهم ..
اهتمي بدراستك او وظيفتك او ادخلي دورات! لاتتعبين نفسك وتفكيرك بهذا ليش راح وهذا ليه جا اللي يجي حياه الله و اللي يروح الله معاه و القلب داعي له
الله يهدي قلبك ويرزقك بالصديقات الوفيات والصالحات ❤

الله يرزقك الزوج الصالح الطيب الي ايعوضك عنهم ويغنيك عن صداقتهم .ويكون لك زوج وخير صديق..

الله يهديك ليش تقهري نفسك اذا انت ماغلطتي باي شي اساليهم عن السبب واذا تهربو يكون افضل لانهم مايستحقون صداقتك .. احنا بزمن لايوتمن والناس الاوفيا قليلون..
في صديقات معدنهم نفيس وغالي..وفي صديقات يعطونك بدون قياس وماتنتظر منك اي شي..وفي اللي تاخذ وتطالب بالمزيد وماتعترف بالجميل ابدا
الصداقه اخذ وعطاء وتبادل مشاعرموبس تجي لك وقت الضيق تواسينها
يعني ياحياتي لازم تعرفي
كيف تختاري الصديقه الصح
الصديقه اللي بتعينك على الحياة..ومعليش اذا هم باعوك بيعيهم بارخص الاثمان لانهم ماقدروك ولا قدرو صداقتك الثمينه..