تري ليه فوق اربعة ايام او اكثر وانا ادخل النت عشان اشوف كيف كملتي الهدية وانت لسه ماطراكي

يله اختي تلحلحي طفشتينا وكملي باقي اغراضك

ماشاء الله عليك

ماشاء الله لاقوة الا بالله


السلام عليكم بنات

اول شي اعتذر عن التأخير بس انا بيّنت المشكله بردودي السابقه وهي البلوتوث وللأسف الشديد مازالت المشكله قائمه

ومالقيت لها حل... لكن لخاطر عيونكم قررت اكتب اخر شي اشتريته بالتفصيل الممل الممل حتى توضح الصوره وانا بحاول ارسل الصور لأختي بوسائط عشان تنزلهن هنا <--- طفشانه في خدمة الشعب

زي ماقلت لكم اني راح اعبي التحف زيوت عطريه وعود

عاد الله يسلمكم شريت من الماجد( العاذريه) وللأسف الشديد ماعجبني احسه عادي جدا بس وش اسوي راحت حاسة الشم هناك من زحمة الروائح... بس ابحطه مالي شغل خساير ع الفاضي يمكن يعجبها الناس اذواق فعلا اشوف البنات بالمنتدى يمدحونه ومطيرينه بالعجه

>واشتريت من اجمل زيت عطري اسمه (الشمس) روووووووووووووووووعه لايفوتكم يهببببل يجنن وريحته ثاااابته

نجي للتحف وش سويت فيها؟؟؟؟؟
جبت قماش ساتان ذهبي ولصقته داخل التحفه بشكل معفس < وراح اعبيه مبسوس واحط فوقه زيت عطري واحد وراح اعبي التحفه الثانيه عود واحط فوقه التوله الثانيه <<;--- لييييش؟؟؟ لأني اكتشفت ان العلبه صغيره وماتكفي تولتين فوزعتهم بهالطريقه

ادري بيخطر على بالكم فكرة اني افتح الغطاء واحطه بجنبه .. اقول لكم والله جت على بالي واقتنعت بهالشي بس غيرت رأيي امس <--- ليش؟؟
لأنه طرت على بالي فكره خطيررررررره

جبت قماش ساتان الذهبي اللي سبق ذكره

ولصقته على غطاء الصندوق الكبير اللي ناويه اجمع الاغراض فيه- هذا الصنوق اشتريته من هوم سنتر بستي بلازا وشكله روووعه ومودرن

المهم... جبت القماش ولصقته بشكل معفس وطلع شكله وووااااااااووو

لأن الغطاء من براء بني محروق مع القماش الذهبي .... وبس .. ناويته شكل للصندوق فقط لاغير لكن بالصدفه كنت حاطه التحفه عليه ويوم ناظرت خرشني شكله روووووووعه فقررت ألصق التحف بالغطاء

ادري كلكم طيرتوا عيونكم خخخخخخخخخخخ</p>
لصقت التحفتين بشكل جيد جيد بعد مافتحت فتحتين بالقماش &

<<<-- ليش؟

لأني لو لصقت التحفه على القماش بيطيح لأنه ماراح يثبت ففتحت فتحتين بالقماش عشان ألصق التحفه دايركت على الغطاء وبكذا يصير ثااااااااااااابت مره وطبعا الفتحه ماتكون واضحه لان زي ماقلت لكم القماش معفس (ان شاء الله فهمتوا

طيب ليش كل هالحوسه ؟؟؟
لأني نويت اضرب عصفورين بحجر <-- معها مشكله مع العصافير

اولا : عشان تصير تحفه فنيه لتقديم العود والبخور ودهن العود ... وتحطها بغرفة الجلوس على الطاوله كـ فن من فنون التقديم والضيافه

ثانيا: لأني لو بحط هالتحفتين جوه الصندوق بيصير زحمه لأنه لازم يكون مصفوفات بشكل مرتب وراح يملون الصندوق ومايكون فيه مجال لوضع بقية الأغراض

بنات ترى هالغطاء بسكره يعني يصيرون مقلوبات ولافتحت الصندوق بتتفاجأ بالتحفتين معلقات

>وبكذا رمينا العصفورين وشويناهم على نار هاديه بعد

اممممممممممممم وش بعد وش بعد ياطفشانه

ايه ايه ... ترى وديت الكاسات والبرواز للمطبعه ووديت الصحن للخطاط (والله يستر لأن اخوي المطفوق موديهن واخاف مافّهم المطبعه زين ويجوني حوسه واتفشل

لحظه لحظه ياطفشانه وشو هالبرواز ماقد قلتي لنا عنه

ايه يابنات نسيت اقولكم رحت لستي ماكس واخذت برواز صغير حق صوره هو شكله على مرايات مربعه ووديته للمطبعه بعد ماكتبت 5 ابيات فيها (طبعا انا اللي كاتبه هالأبيات ) بس اعوذ بالله انواع النصب هالمطابع غاااااااااااااااااالي بس مضطره لان ماعندي طابعه

واخذت من ستي ماكس شمعه بريحة لونها ابيض وفيه خرز فضي واخذت تعليقة ستاير صغيره حيل بيضاء وورده بيضاء حقت فازهبس يوم جيت البيت اكتشفت ان هالورده شوهت الشكل فأستغنيت عنها .. والى الحين بلشانه بهالتعليقه <--- من الطفاقه اخذتها وابتلشت فيها بس ألقى لها حل وانا طفشانه بنت ابوي

طبعا هالبرواز والشمع اللي من ستي ماكس كلهن بسوي فيهن درع تذكاري

والدرع سويته طلع روووووووووووووووووووووعه اااخ يالقهر ياليت البلوتوث ماخرب <---- اوريه الشغل خليني افضى له

جبت فلين مربع صغير قاعده وجبت فلين نفس الطول جدار بس اصغر منه 3 سم ولصقته جدار للفلين السميك

وجبت قماش ساتان ابيض ولصقته عليه كله بشكل معفس ومشبك

وجبت عروسه متوسطه الحجم (شريتها من جيان <---- مو قلت لكم تفصيل ممل


وفصلت لها فستان ابيض (قطعه من فستان زواج امي ) امي محتفظه فيه وقماشه حلو بس يوم شاورتها قالت خوذيه ماعاد له طعم عقب ابوك:icon33: <والله حز بخاطري بس انها تستاهل وانا ناويه احط لها اغلى ماعندي وراح اقولها <------وش رايكم اقول لها خخخخخ

ولصقتها على الجدار وسويت لها تسريحه وجبت قماش جيبون نافش وحطيته طرحه ووزعت الجيبون على الدرع كله ونهايته حطيت فيه فيونكه ساتان وجبت قطن ووزعته حوالين العروسه وحطيت الشمعه بجنب العروسه وحوالينها قطن

والبرواز اذا جاء ابحطه بالمساحه الفاضيه

(ودي تشوفونه تحمست .... ان شاء الله ان شاء الله ابخلي اختي تنزلهن بأسرع وقت

وعلى فكره ترى الصندوق حطيت فيه بقاعدته ساتان ذهبي معفس هههههههه خخخخخ ومديت جزء منه على الزاويه وطالع لفوق

عاد عطوني افكار اغلف فيها الملابس مو بس تلطشون من افكاري ولا تفيدوني
واذا جبتوا لي فكره ابط لكم صور الملابس وتراني مسوية شي وانتظره يطلع ... يارب ينضبط

اعجبتني قصة تغليفة المخمل زي ماقالت نجديه بالشرقيه وش رايكم احسن المخمل والا الخيش؟؟؟؟؟؟؟؟

ووش احسن نوع مبسوس يباع واهم شي يكون سعره معقول تراني دجيت تهي تهي تهي

وبسأل عن الذهب .... تليقة ذهب ناعمه بدون طقم بكم؟؟؟
هاه وش رايكم ان شاء الله قربت الصوره؟؟؟؟؟

وعندي فكره عندي شرشفي وثوب لي يوم انا نونو وش رايكم اعطيها؟؟؟؟؟؟؟ لأنهن اغلى ماعنديواسفه مره ثانيه على التأخير

كل هذي هديه ؟؟؟؟؟؟؟؟؟؟؟؟



اقول كنك نسيتي تجيبين ملاعق وسكاكين وكم صينيه وطقم كنب للصاله وغرفة النوم وفرش الحمام 0000

ياليتني صديقتك !!!! الله يخلف على ما اصادق الا قعاطا

منتظرينك

ليش تخربين فستان امك

وشرشفك وثوبك وانتي صغيرة هذا لك انت احتفظي فيه
ها الاشياء ثمينه لاتفرطين فيها

بعدين ماقصرتي مابقي شي ماعطيتيها خلاص يكفي

بس لاتفهميني غلط انا مانيب قعيطيه000والله صدق