جولات وصولات ,,,,في المنتديات ,,,وخلف المعرفات ,,,,وآه من المعرفات,,,,يمكن وراها ضحكات ,,,او يمكن وراها
دمعات ,,,,ويمكن وراها شنبات ,,,ويمكن وراها بنوتات ,,,والبعض يخلق ازمات والبعض الآخر لصقات ( يعني لزقه)
والبعض الآخر عنده مؤامرات ,,,والبعض لا من هذا ولا من ذاك
هذه سوالف مجموعة من الصديقات الحميمات ,,,,شاي وقهوه وسالفه من هنا وهناك
مجموعة حصه ,,وامل,,,وصباح,,,وفاطمه وضحى اسماء ونجاة
تحدثت حصه فهي مرت على الكثير من المنتديات واصبحت المشرفه عدة مرات واداريه واحيانا تحل الازمات
انا يا بنات بعطيكم من خبرتي في المنتديات
<FONT color=blue>نبدأ سالفة اليوم ,,,,
فاطمه : قولي يا حصه واكيد عندك مغامرات
وضحى : يازينك ويازين سواليفك يا الحص قولي
حصه : والله يا بنات عالم المنتديات غريب وعجيب ,,,بديت وانا ما اعرف كثير وطلعت وانا احمل خبرة سنين:rolleyes:
صباح : والله في المنتديات قصص غريبه ومثيره
حصه : كنت مبتدئه ,,,بس كانت كتاباتي مميزه ,,,وتلقيت كثير من الدعوات للمنتديات
نجاة : اكيد هذا الشيء اسعدك
حصه : في البدايه اكيد حتى اذكر اول دعوه طرت طيران وسجلت في المنتدى وانا لا اعلم ان في المنتدى رجال
وعادي يدخلون كل الاقسام :16:
فاطمه : وبعدين
حصه : والله يابنات رأيت العجب العجاب ,,,تذكرون المنتدى اللي سجلنا فيه كلنا :o
صباح : ههههههههه اكيد
حصه : تذكرون العضوه اللي تكتب مقالات اسلاميه جميله ,,,واصبحت تناقض نفسها ,,,,في مقالات اخرى:30:
وضحى : يا اختي هذه تهون تذكرون العضوات اللي اطلقنا عليهم مجموعة الرد السريع
فاطمه : ههههه اللي متبرمجين يردون على بعض :D
امل : ليش هل هم مجبورين يردون احس انهم متقيدين
صباح : ياويلهم اذا ماردوا الرئيسه بتغضب عليهم ويمكن تطردهم من المجموعه !!!!
حصه : يا اختي ماعلينا منهم ,,,,اللي مزعلني العضوات اللي اذا عدلت او نقلت موضوع
راحت قسم الشكاوي وكتبت موضوع طويل عريض حسبي الله عليك يا اللي نقلتي موضوعي
الله يقفل ابواب رزق من قفلت الموضوع
وضحى : لاحول ولا قوة الا بالله
فاطمه : غريبه ليش كل هالدعاوي علشان موضوع في منتدى
حصه : المشكله اغلب المواضيع مكرره او مخالفه لقوانين المنتدى
والادهى والامر اذا الموضوع موجود بس العضوه ما عندها وقت تبحث عنه
نجاة : بصراحه الله يعينكم
حصه : وشوفوا اذا نزل موضوع مخالف في وقت انشغال المشرفات او نومهم
امل : شو يصير ليكون يدعون عليكم :eek:
حصه : لا مايدعون بس يزعلون اذا ما حذفنا هذه المواضيع المخالفه ,,,ونشوف مواضيع اعتراض وينكم
5 مراقبات ومامنكن فائده ,,,وين الاداره وين المشرفات
وضحى : ارضاء الناس غايه لاتدرك مع الحذف دعاوي ومع عدم الحذف اتهام بلاهمال
صباح : وشو اخبار صديقتك منى بعد الاشراف
حصه : منى حكايتها حكايه ,,,اتقولون هالبنت جتها عين ,,,كرهت كل شيء حتى النت كرهته
فاطمه : ماتنلام اذا شافت من هالردود اللي تسد النفس
حصه : والله يا الغاليه الاشراف مسئوليه كبيره ,,,وبعض العضوات النشيطات بعد الاشراف ينطفأ نورهم
والبعض الآخر لا على حسب النفسيه ,,,انا اسميها كآبة مابعد الاشراف
صباح : هههههههه انا اعرف كآبة النفاس اول مره اسمع عن كأبة الاشراف
امل : بصراحه الله يعينكم ويجزيكم خير على المراقبه ونشر الخير المنتديات بدونكم
أعاان الله المشرفات ,, بأنتظـــآركـ ,,