بسم الله الرحمن الرحيم
بصراحة يا أخواتي مشكلتي مع صديقة عمري (بنت عمي )أنا وياها من يوم وأحنا صغار مع بعض في سن واحد يعني
ما نتفارق أبد جلستنا ووناستنا كلها نقضيها سوا .. وبعد أسرارنا عند بعض يعني أعتبرتها أختي أكثر من كونها
صديقتي وبنت عمي بحكم أننا بنفس السن ..طبعاً الي صار أني كنت أنا وياها وبمشاركة بنات عمي الثانيين نسمع
أغاني وندخل شات وندردش ونشبك مع فلان وعلان لا وبعد كنت أدخلها أغاني في جوالها ومدري وشو ولمن نروح
زواج أنا وياها وبنات عمي الباقيات ما كنا نسيب أحد في حاله حش في خلق الله ذي فلانة شكلها مدري كيف قايل إلا
لبسها ووو......يعني ماقد جلسنا جلسة ما أخذنها فيها من الذنوب تهد جبال المهم حصل وأفترقنا في الدراسة
الجامعية طبعاً كل وحدة فينا دخلت تخصص الي صار أن ربي اللهم لك الحمد أنعم علي بمجموعة صديقات الله يوفقهم
ويسعدهم دنيا وأخرة كانو بصراحة نخبة في الاخلاق والدين والتربية أسلوبهم وكلامهم كان في قمة الروعة والذوق
لدرجة أني صرت أستحي أني أجلس معاهم وأنا مستمرة على التصرفات القبيحة الي كنت أسويها شاء الله أنه
يخرجني من المستنقع الي كنت فيه ويهديني وأنا الان ولله الحمد ماعاد صرت أسمع أغاني ولا شات ولا شي لكن
بقيت المشكلة في صديقة الطفولة الي ما يهون علي أني أتركها هي للأسف مستمرة على هذا الشي والمصيبة
اني أنا ماعندي الجرأة على أني أواجهها وأكلمها وأنصحها لأني بطبعي خجولة وما أقدر أوجه الناس بأغلاطهم وأخاف
أنهم يعايروني بالماضي وأنا من طبعي ما أعرف أرد ولا أوجه أحد بالكلام في نفس الوقت خايفة أني أتركها لأنها
صديقتي أخر مرة قابلتها حاولت أني أبينلها من تصرفاتي أني أنا معارضة الشي الي تسوينه يعني كل ما تشغل
أغنيه ولا تدخل شات تدردش أروح أسويلي شغلة وأبتعد عنها هي شكلها لاحظت هذا الشي ولكن للأسف لحظتها
أنها أبتعدت عني أكثر وكأنها تقول عادي ولا همني وصارت تكلمني بأسلوب جاف وصارت تجلس مع بنات عمي الثانيين
أكثر مني على الرغم من فارق السن الي بينها وبينهم وعلى الرغم من صداقتنا القديمة لكن لأنهم ما زالو
يمارسون الاشياء هذي كأنها أكتفت معاهم وحصلت الي تبغها وبقيت أنا حاسة نفسي غريبة بينهم صارت إهتماماتهم
ما تعنيلي شي أبددددد كلامهم كله عن الاغاني وعن الشات وأنا خلااااااص بالعة الجمر وساكته طول ما أنا جالسة
معاهم وأنا ساكته ما أتكلم لأن مافي موضوع أصلاً يستاهل النقاش فيه وفي نفس الوقت أحس بقهر أن بنات عمي
في هذا الوضع وأن صديقة الطفوله معاهم وتركتني لهذا السبب ...والله أحس نفسي منبوذه بينهم والله مليت كل ما
يجتمعون هم ينبسطون وأنا أتعذب من جوا وماني عارفة وش أسوي ....والله تعبت
ما ودي أخسر صديقتي بس في نفس الوقت ما أقدر أستمر معاها وش الحل؟؟
تفشانة حييل @tfshan_hyyl
عضوة فعالة
يلزم عليك تسجيل الدخول أولًا لكتابة تعليق.
الله يعطيك العافية ويبرد قلبك والله صدق زي ما قلتي ما يتقبلون تجرأت مرة قبل أسبوع نهيتهم عن شغلة ردولي بكلمة (انتي مسويه نفسك أخلاق ) يعني حتى الي ينصح مايستاهل كلمة حلوة تنقال له والله العظيم اني جلست 4 أيام وأنا مقهورة من الكلمة ذي أحسها شابة علي يعني جزات النصيحة تريقة وإستهزاء
ياقلبي اكيد هي بالبدايه مراح تتقبل كلامك
لانك كنتي معها
لاكن تذكري اجرك اشلون لوهديتيها
وانتي زي ماقلتي تحبينها وحابتلها الخير
لاتيأسين وخليك معها اكيد انتي مع هالسنين عارفه شلون تقنعين صاحبتك
حاولي معها وادعيلها بالهدايه
لانك كنتي معها
لاكن تذكري اجرك اشلون لوهديتيها
وانتي زي ماقلتي تحبينها وحابتلها الخير
لاتيأسين وخليك معها اكيد انتي مع هالسنين عارفه شلون تقنعين صاحبتك
حاولي معها وادعيلها بالهدايه
الصفحة الأخيرة
بس لايهمك هذا الشي
لاتقولين والله من يوم مالله هداني وانا ماحد يبيني ويقعد الشيطان يوسوسلك ويحزنك إحذري
صديقتك هذي يوم القيامه مابتنفعك
قال تعالى:
{الأخلاء يومئذ بعضهم لبعض عدو إلا المتقين}
بس حاولي إنك تجلسي معها وتوعظيها بإسلوب حلو ولا تخجلي ولا شي انتي الآن مطالبه بالدعوه لله أو إهديها أشرطة محاضرات
والله يهدينا جميع