فيث ودي اتعرف عليش احس انش حبوبه ولطيفه

ماتعرفت ولا استحاله اتعرف على احد بهذي الطريقه انا علاقاتي جدا محدوووده

دخلت عالم النت وانا رافضة فكرة الصداقة،،، اعتبره للتسلية والفايدة والترفيه لا اكثرلكن مع ذلك صارت لي صداقات بطريقة غير مخطط لها فجاءة لقيت بحياتي اشخاص قليلة بحقهم اسم صداقة...
اولهم وحدة اتوقع لنا ٩ سنوات عن طريق ال Bb، لها مكانة خاصة بقلبي بما اني شخص اقدس كل بداية واحب الأشياء الأوليّة، فكانت اول صديقة إلكترونية بعدها صار بيننا تواصل مكالمات ومحادثات واتسابية، لها عندي مكانة مايوصلها احد.


عندي ٤ صديقات لعضوات هنا اقترحوا علي نسوي قروب واتس قبل ٤ سنوات، وصاروا جزء مهم في حياتي وعلاقتنا يومية،ولهم وقفات معي بعز مرضي لاتنسى❤️ ...
تواصلنا نفس الشي محادثات ومكالمات..
عندي ٣ صديقات تويتريات وحدة منهم بمثابة أخت وصديقة حميمة....فيه صداقات لكن اخذتنا الحياة ومااستمرت....
برضو قروب لعضوات هنا في التيلي تجمعنا علاقة طيبة ..


الرغبة في تكوين علاقات جديدة نفس الرغبة السابقة ماعندي رغبة..

بس اعتقد لو تهيئت فرصة مااظن بأمانع خصوصا لو كان فيه انجذاب وتقدير لهالشخص، لكن كشعور مااحس برغبة ولاراح اكون طرف مبادر أبداً..


وكل علاقاتي ماكان فيه تواصل مباشر وجها لوجه، عكس اختي اللي قابلت كثير من أصدقاء العالم الوهمي وصار بينهم مقابلات..أما أنا ف مقتصرة ع المحادثات والمكالمات فقط

زمان كان في خدمه إسمها تشاتي للدردشة ف الجوالات المهم تعرفت ع وحده وصرنا نتراسل بعدها قلنا نتكلم صوتي وكل وحده خايفه الثانيه تطلع رجال وتوكلنا ع الله واتصلت ومن وقتها يوميا نتكلم بالساعات وكانت تشكيلي همومها وكنا نبي نلتقي بس مناطقنا بعيده جدا جلسنا سنه بعدها تركنا الله يستر عليها ويوفقها وين ماكانت

تعرفت عن طريق قصتنا اللي في السناب 🌚 احيانا اضيف حسابات قريبه من موقعي تعرفت على وحده تنزل سنابات عامه وحاطه صورة حسابها وضفتها وصار بينا سواليف واحيانا استفسارات عن الاماكن القريبه منها صوتي ومنها كتابي واحيانا نعلق على سنابات بعض الين ماتطور الموضوع وتقابلنا برى😂 وانبسطنا وصرنا اصحاب نتزاور واحيانا نطلع سوا وماعندي مشكله اكرر التجربه بس الحذر واجب