السلام عليكم والرحمه كيفكم ياحوائيات
بنات اليوم طلعت تحاليلي ولله الحمد سليمه وهذا سبب مسكتي للاب بنص الليل والكتابه عن صديقة امي وذريتها الي يشكلون خطوره كبييره على مجتمعنا ربي يكفينا شرهم والله ياجماعة ماراح تصدقون الي بقوله وبتحسوني مبالغه فيه لكن امرهم عجيب غريب بسم الله علينا عليهم عيون تورد الجمل القدر بحق وحقيقي يعني سمعت كثير عن العين لكن بحياتي ماشفتها تمشي على الارض مثل ماشفتها فيهم بسرد عليكم نماذج من قصصهم الغريبه وبعدها ماراح تلوموني يوم افتح موضوع فيهم على فكره هم يسببون عاهات مستديمه يعني ياكسر ياموت ماعندهم يمه ارحميني خخخخخخ
مره شافو قريبتي كويتيه عمرها تسع سنوات جميله مره مشاء الله التمو بناتها دائره يسولفون عليها ويقولون سواليفها تهبل وبس طلعو البنت طاحت جاها شي تصاارخ من الم في راسها يممممه اصابوها بالراس
مره اختي لابسه نظاره قالتلها بنتهم نظارتك تجنن وتيك انكسرت بنفس اللحظه بدون حتى ماتطيح بالارض مو قلت لكم صاروخ ارض جو يكسر يدمر يقتل ههههههه
مره شاف ولدهم قطو صديقه قال كنه بعير من كبره يقول اخوي من بكره مات القطو ربي يرحمه لو كان يدري كان نطق يقرا ورده من الروعه خخخ
ومره قررنا نشتري بيت انا وزوجي ودفعنا نص المبلغ وعلمتهم امي ودقت بنتهم تسالني عن البيت حلو ولا لا كانت مستاجره وماعجبها بيتها وتبي تغيره وماقدرت المهم اقسم بالله العظيم زوجي صاربينه وبين صاحب العقار خلاف وترك البيت مع المبلغ المدفوع قال مابيه عافته نفسي عجزت اقنعه انوه على الاقل استرجع فلوسك مرره رافض يتفاهم مع صاحب البيت عينهم ربحت صاحب البيت كم الف
مره امي سوت حلا وهذا الي مستحييل ننساه لهم وراحت لدورية الحاره وبعد ساعه لما رجعت دقو يسالونها عن الحلى من مسويه وكيف طريقته امي من ليلتها نقلناها اسعاف وربي ماكذب انها دخلت بالعنايه لاول مره وخفنا عليها بغت تروح من بين ايدينا لين لطف ربي فيها بالقرايه والاخذ منهم يوم زاروها يقتل القتيل ويمشي بجنازته.
مره ولدهم شاف جيب يمشي قدام سيارته وكان راكب معه اخوي قال شف السياره وجلس يتكلم عنها اقسم بالله اخوي كان معه كميرا فديو ويصور التفحيط شوي الا راعي الجيب قلب قدامهم يعني ولدهم ضرب له الكفرات بعينه
ومره بنتهم شافت ولد جميل تبارك الله بحفله وسمعتها تقول نفسي بمثله وبعد كم يوم سمعت من امي انه دخل المستشفى حالته خطره:44: صدقوني باقي مواقف وش كثرها لهم مابي اطول عليكم بس باقي موقف يضحك ولدهم يتابع مباراة للهلال وتعرفون هالفريق نادر ماينهزم رمى كلمتين انكسر منهم لاعب وانهزمو مدري كم هدف خخخخخ يعني لو يدرون عنه النصر اشتروه يتابع لهم كل المباريات
طيب وش دخل هالموضوع بتحاليلك انا اقولكم انا صارلي اكثر من سنه مااخذ حبوب منع ومع ذلك ماحملت ورحت سويت اشعه وتحاليل هرمونات والشهر الي فات تحاليل تبويض ويارب لك الحمد كلشي سليم ماعندي شي يمنع غير انهم لما عرفو بحملي الاول اتصلو يسالوني كيف حملتي وش اخذتي عشان تحملين وكاني اول مخلوقه بالعالم تحمل لدرجة انهم كلمو وحده تمون علي قالو خليها تعلمك كيف حملت
لان امي ربي يهديها قالتلهم اني متاخره بالحمل فلما حملت يحسبون اني متعالجه ويبون يعرفون السبب لان بنتهم لها سنين ماحملت:mad: ولا ادري الحين كيف اخذ منهم لاني ماازورهم في بيتهم علاقتنا رسميه ولايزورونا هم امي بس متواصله معهم ومابي اقولها تاخذلي منهم لانها مرررررره تحبهم وراح تتضايق لو قلت لها..وانا متلهفه للحمل بشكل كبيير وخايفه تطول حالتي ولا اعرف كيف اخذ منهم
مشاعل الودعاني @mshaaal_alodaaany
محررة برونزية
يلزم عليك تسجيل الدخول أولًا لكتابة تعليق.
بقولك شي بس لاتزعلين
انتي شكلك مركزه عليهم عشان كذا تنتبهين لاي كلمه يقولونها ترى في ناس على نياتهم كل شي يقولونه
انا معك ان العين حق بس ترى الي يحسدون هم الي دايم يناظرونك وهم ساكتين ينخاف منهم
والى الي يبربرون ذولي ماعندهم سالفه تعوذي من الشيطان واتكلي على ربك
انتي شكلك مركزه عليهم عشان كذا تنتبهين لاي كلمه يقولونها ترى في ناس على نياتهم كل شي يقولونه
انا معك ان العين حق بس ترى الي يحسدون هم الي دايم يناظرونك وهم ساكتين ينخاف منهم
والى الي يبربرون ذولي ماعندهم سالفه تعوذي من الشيطان واتكلي على ربك
اختى صراحة ماعندى اى اقتراح غير ادعيلك ربى سبحانه وتعالى ان يرزقك الذرية الصالحةعاجلا غير آجلا...................وهناك ملحوظة :ياليتك تمسحى عبارة " من بكره مات القطو ربي يرحمه لو كان يدري كان نطق يقرا ورده من الروعه خخخ"
اشعر ان فيه استهزاء فى الدين وانا اعلم جيدا ان نيتك سليمة ولا تقصدى ولكن مجرد لفت انتباهك فلا يجوز المداعبة بهذه الامور................وتقبلى خالص تحياتى
اشعر ان فيه استهزاء فى الدين وانا اعلم جيدا ان نيتك سليمة ولا تقصدى ولكن مجرد لفت انتباهك فلا يجوز المداعبة بهذه الامور................وتقبلى خالص تحياتى
اعزموهم عند امك وخوذي من اثرهم
والله يعينكم عليهم
وانتوا ذكروهم بذكر الله في جمعتهم
الله يكفينا ويكفيك شر العين والحسد
والله يعينكم عليهم
وانتوا ذكروهم بذكر الله في جمعتهم
الله يكفينا ويكفيك شر العين والحسد
الصفحة الأخيرة
عليك بالاذكار وقراءة الورد والله خيرحافظ وهو ارحم الراحمين