الســــــــــــــــــــــــــــــــــــــــــــــــــــــــــــــــــــــــــــــــــــــــلام عليكم
كيفكم حبيباتي :39:
حابه أستشيركم في موضوع صديقة لي ..أو بالأصح كانت صديقة :(
كانت صديقتي و من إحنا أطفال ..يعني كنا من نفس الجماعة ..و من نفس العمر ..ربينا سوا ..و درسنا سوا ..يعني عشرة مع بعض أكثر من خمسة و عشرين سنة :44:
كنا مع بعض دايما ...أفكارنا ..أحلامنا ..كانت صداقتنا مضرب المثل :(
أعزها ..يمكن أكثر خواتي ..مرت الأيام ...و تزوجت أنا ..و انتقلت لمنطقة بعيدة مع زوجي ..بس والله عمري ما تغيرت عليها ..كنت دايم أتكلم عنها و أمدحها ..حتى زوجي فكر يخطبها لأخوه ..من كثر مدحي لها ..بس ما صار نصيب :44:..
كنت دايما متواصلة معاها بالرسايل و المكالمات ..و ما كأننا افترقنا أبدا ...و لما أجي زيارة لأهلي ..لازم أزورها و تزورني ..
و استمرت علاقتنا حلوة ...لين آخر ثلاث سنين ..مدري ايش حصلها :(
أتصل عليها دايم ..و ما ترد ..ولا ترجع تتصل ..ولا حتى تعتذر برسالة و لا شي ..في البداية كنت مستغربة ..و أجلس أيام و أسابيع و أنا أتصل ..لين ترد و أسألها ..تتعذر بأعذار واهية جوالي خربان ..جوالي ما يرن ..كان على الصامت ..و كنت أسامحها و اقول معليش :(..
كنت أعذرها ..أقول يمكن نفسيتها تعبانة علشانها تأخرت في الزواج ..و كنت صابرة على تغيرها ..أكثر من سنتين ما قدرت أكلمها زي الناس :44:
لين ربي أكرمها ..و انخطبت و ملكت ..و رجعت تتصل علي ..و تكلمني زي أول ..و كنت فرحانة لها كثير ..و أسمع منها كثير ..و كنت متابعة معاها أول بأول... يوم فرحها ما قدرت أحضر ..بس تواصلت معاها طول اليوم ..و هي كانت شاكرة لي وقفتي معاها حتى و لو بالجوال ..تقول انتي الوحيدة اللي أقدر أتكلم معاها :44:
و رجعت علاقتنا زي أول ..بس يا فرحة ما تمت :(
بعد زواجها بشهر ..رجعت سحبت علي و أخس من أول ..ما ترد أبدا أبدا ..مهما اتصلت في أوقات مختلفة ..ما ترد و لا تعبرني إطلاقا ..ولا ترجع تتصل و لا شي و لا رسالة ..
سألت عنها أختها ..قالت حامل و تقول انها مكتئبة من الحمل ما تبغى تكلم أحد ..
أنا أحد !! ..أنا صرت الآن ..أحد !!
و سألت عنها ..خواتي ..قالولي تروح دوامها كل يوم عادي ..هي مدرسة ..و تحضر كل المناسبات و الأفراح ..
و سألت عنها أختها ..أكدت لي هذا الكلام ...
يعني ما جا اكتئاب الحمل حقتها إلا علي أنا بس :(
صراحة خلاص ..ما عرفت أتصرف معاها ..و لا ايش أسوي ؟؟
مسحت رقمها من جوالي ..و بلغت أختها ..و والله ما حركت ساكن ..
و لا فرق معاها ...لا إله إلا الله !!
معقولة تهون العشرة كذا بكل بساطة على الواحد :(
و الله إني أذكر أيامنا مع بعض كأنها أمس :(
الله المستعان بس :44:
Om.Marwa @ommarwa_1
محررة
يلزم عليك تسجيل الدخول أولًا لكتابة تعليق.
سنكرس القصيم
•
ي قلبي انتي ماقصرتي سويتي اللي عليك واكثر الله يهدي سركم الله يعوضنا ياقلبي
Om.Marwa
•
لا يمكنك مشاهدة هذا التعليق لانتهاكه شروط الاستخدام.
أصلا أنا مسحته :44:
بس و الله اللي مزعلني انو ما همها :44:
رغم اني صبرت على تصرفاتها أكثر من ثلاث سنين :(
بس لو نزلت زيارة لأهلي ..ايش أسوي ؟؟
أزورها و لا ما له داعي :(
Om.Marwa
•
ي قلبي انتي ماقصرتي سويتي اللي عليك واكثر الله يهدي سركم الله يعوضنا ياقلبيي قلبي انتي ماقصرتي سويتي اللي عليك واكثر الله يهدي سركم الله يعوضنا ياقلبي
الحمد لله على كل حال :44:
الصفحة الأخيرة