الله يعطيكم العافيه
انا ماخذه على خاطري منها ،،انا طول هالاسنين اسأل فيها ومن انفصلت صرت اراعي جددا احاسيسها وان طلع منها هفوات اعديها وابرر لها لكن توصل لدرجة تعصب علي كأني مسويه جريمه فيها !! مع ذالك صرت اهديها ولما هدت الا تقولي انا حتى اولادي ماسلموا مني يعني تقصد ان شافوا كثير عصبيتها عليهم !!وانا شنو سويت لها؟

انتبهي لاتتركينها بهالوضع ولو حطت عصبيتها فيك تحمليها هذي صديقة عمر ولو انك بمحلها اتوقع ماتتركك ماعليك من كلام البنات اللي تقول اتركيها وطنشيها واهم شي كرامتي ومن هالخرابيط هذولي مايعرفون الصداقه بمعناها الحقيقي .. خليكي ع نيتك الصافيه وكلما تذكرتي موقفها تذكري انها مطلقه ويالله المستعان ماتدرين ان هالمطلقات يمرون بنفسيه واكتئاب مايعلم بها الا رب العالمين .,. والله لو انها ماتشوفك قريبه منها كان مافرغت عصبيتها فيك كان اختصرت المكالمه وقالت مافيني شي صح ولا لا .. خليكي على مانتي ماشيه عليه وكوني معها العوين بها الحياه وقريبه منها اذا تعثرت تلقى من ترتكي عليه .. زوريها بين فتره وفتره خليها تبكي وتطلع اللي بقلبها ضميها لصدرك كل مابكت .. خليها تعصب وتقول اللي تقولها انتي صديقه والصديق وقت الضيق