صديقة عمري صرت ماأتقبلها

انا لي صديقة من ايام الابتدائي يعني عشرة عمر

ومن يوم تزوجنا تغيرت طبايعها

صارت تشوف حالها علي وان هي اللي أحسن مني بكل شي طبعا توضحها بتلميح دون تصريح

صارت تتفلسف كثير

أحنا وأحنا وعيالي وطريقتي وكل كلامها كذا

طول المكالمه تحاول انها تبين لي ان هي وعيالها وحياتهم شي غييير

وأنا وعيالي حياتي غييير يعني انكم اقل منا

مع العلم أن زوجها وزوجي متساوين في المعيشه وامورهم زينه بس مدري ليه كل هالغرور

الله يهديها تحب تغالطني كثيير وتحرجني مع زوجها وتققل من شأني

مثلاً مره من المرات طلبت مني ادلها على شقق حلوه في جده وعطيتها اسم شقق راقيه و4 نجوم

ويوم رجعت قالت لي وش ذا الشقه اللي عطيتينا وسسسخه وكلها بول مع ان هالشقه والله العظيم اني ماشفت اللي تقوله

نظيييفه جداً وزوجي مستحيييل يسكنا إلا بمكان راقي ونظيف وانا والله ادري انها مي صادقه لييييش ياصديقتي تكذبين ؟؟؟
ومره كنت في زواج وجلست تسب في مكياجي وتسريحتي وانا هالمكياج موباين ابد والمشكله كل اقاربي انجنوا على

شكلي وعلى لبسي شككتني في نفسي وقتها

طيب اذا انتي صديقة عمري وتسوين كذا وتدعين اني غاليه عليك واني غيير عن الكل ليش تسوين فيني كذا

والله أشياء كثيره يمكن تقولون وش هالحساسه بس والله لو انتم في مكاني ان تنقهرون

مره جلست اسولف معها عن محل وان فيه ملابس حلوه قد بنتها الصغيره وعلى طول قاطعتني تقول انا عيالي مليانين

وانا مااشري لهم من اي محل يعني هالمحل اللي قلت له محل اي كلام المشكله انه ستي ماكس وهي محلها المفضل

مبارك ستايل دايم تروح له مع ان ماديتها زييينه وزوها مو مقصر بس تحب هالمحل

لما اقول لها على طبخه وامدح فييها تجلس تعدل فيها وأنا اشرح لها وتبين لي ان طريقتيها هي الصح يعني لاااتحاولين

تجاريني هي الطباخه وهي الفاهمه وأنا ولا شي
لما تجي لبيتي تجلس تربي في عيالي يعني توضح لي ان عيالي مو متربين وان عيالها متربين وان عيالها يتعلمون

الالفاظ والهبال من عيالي

مره بنتها طلعت على الطاوله وتهاوشها وتقول علموك علموك تقصد عيالي مع ان عيالها لما يجون لبيتي انا اتعب منهم

يراكضون ويصككون في ذا البيبان وانا ساااكته وأجامل كله على شانها وبالأخير تجلس تنصح فيني ربي وراك كذا

شكلك تاركتهم على كيفهم ودايسين مهابتك المشكله من عيالها

احس صرت اكره اناديها لبيتي واكره اكلمها اسلوبها مملللل

انا والله مقهوره على هالاسلوب اللي يطلع من صديقة عمري ودي تستمر المعزه بيننا

لو انتم مكاني وش تسوووون

عطوني حل يجي معها :(