صديقة عمري منهارة تماما بعد مااكتشفت زوجها

مراحب حبيباتي



انا ماكنت اتمنى اكتب موضوع زي كذا بيوم بس بموت من القهر على اقرب خوياتي ، فجأة انقطعت اخبارها ادق عليها ماترد . حملت حالي ورحت لها شقتها .

شفتها مأساه المكان حوسه ولابسه بجامة بيت ووجها اصفر . شافتني جلست تبكي أول مره احسها مكسوره وتتألم زي كذا مع انها بنت قوية. واخيرا بعد ما هدت خبرتني انها اكتشفت محادثات بين زوجها وبنات تقول اوك بعضهم زميلاته ولاحظت انهم رامين انفسهم ومتزوجات وهو يكلمهم عادي بس ماتوصل انهم يتكلمون بهالوقاحه والجرأة وامور خاصه الا انه معطيهم وجهه حتى وحده تقوله انا حامل والحمدلله مو منك.وش هذا ماادري الصراحة هي مع انه الكلمه قويه لكن البنت ماتعرفه مجرد شات حتى كانت تسميه باسمه المستعار.

أما اللي حطمها زياده انها شافت محادثه بالواتس اب يكلم بنت كلام فاضح وجنسي تقول انا مايكلمني زي كذا حتى البنت تقوله وش فيك استجنيت على هالكلام يقول لها ابيك وكلام يقرف ووسخ وتسأله زوجتك ما تكفيك يقول لها هي شى وانت شى انتي الحب .

هي في حالة صدمة وذهول تحس انه حلم لانه يحبها ومو مقصر معها في شى والكل يمدح اخلاقه حتى هي نفسها تقول مافي مثله تقول مو مصدقه انه يسوي كذا.


المهم واجهته وقلبت الدنيا فوق راسه طبعا اعترف بخطأه وجلست تكلمت معاه كثير وجلس يبكي ويبكي يقول لها قلبي يألمني عليك ما تستاهلين وحاس بالذنب واعترف انها بنت كان يحبها زمان وماتزوجها لانها مريضه وانها من كم يوم رجعت تكلمه وهو لعب براسه ابليس يقول انا كنت احاسب نفسي واقول بقطع كل شى بس انتي سبقتيني قالت له لان الله يحبني ومايبيني اعيش مغفله.

الحين وش السواه يابنات هي خبرت ابوها وامها بس طبعا هو مايعرف انا اهلها يعرفون.
المسكينه تقول اخاف اسامحه يفكرني ضعيفه ويدوسني واخاف اقسي عليه تلعني الملائكه ويروح للحرام أوانه جد يتغير واكون ظالمته .لدرجه قالت له ياولد الناس ماتبيني مع اني اختيارك خلني في حالي وروح للي تبيها بس لا تعذبني. تقول ماعاد في شى اخسره.

وانا احترت معاها هي قالت له ولابوها تبي تنفصل او تروح اقل شى بيت اهلها كم يوم زوجها قال لها ابيك وابي اعيش معاك وهي حامل يقول لها ماابي اطفال بس ابيك انت وابوها يقول لها اعطيه فرصه وهي تقولي بموت يااماني قلبي محروق كيف بلبس كيف بروح عملي كيف بعطيه حقه وكلامه المكتوب للبنت بعيني وكيف ابعد الوساوس والافكار هو نص اليوم بالعمل والباقي بمحلاته والباقي اما تلفزيون أما ايبود أما الاب توب كيف وكل تلفوناته عليهم رمز حمايه والحسابات حقه بالتوتر وتانقو وسكايب وفيس بوك وغيره مااعرفهم لان كنت اثق فيه فكنت اقول ماابي اعور راسي وكيف بربط نفسي فيه زيادة بطفل وانا كارهته ومو طايقه شى منه . البنت ماتاكل ولا تشرب ولا تنام والدموع مافارقتها . جلست تكلمت معاه تقول وش قصرت فيه يقول مافي شى والشهاده لله واخر شى طلبت منها يلغي كل شى ويغير رقمه قال لها رقمي مااقدر اغيره بس مسحت كل شى وان شاء الله بسكر حساباتي اللي انتي خايفه منهم قالت له لك يومين والا بيكون لي تصرف ثاني ..


وطبعا هو روحه في عمله ترك عمله وجلس معاها وهي تبكي وهو يبكي تقول ليه تبكي يقول لها احبك بس الدرس والصفعه قاسيين علي وعليك ويحلف لها مايدري ليه سوى كذا ..


وش الحل يابنات هي تبي تنفصل مع انه زواجهم له بس سنه .. واهلها تخاف يجي لابوها وامها شى لو اصرت على الطلاق لان تقول مااقدر اعيش في شك وجروح ابي انام كل ليله وانا بالي مرتاح اقل شى ما اوسوس انه يخوني.


:(