صديقتك الروح بالروح هل تتقبلي منها هذه التصرفات

مرحبا بنات



انا عندي صديقه هي صديقتي الروح بالروح وتقربلي بنفس الوقت علاقتنا جدا قويه لها سنوات طويله...

بس الان بدات اغير رايي فيها... ابغاكم تقولو لي هذه تصرفات صديقه تعزك فعلا ولا لاء؟

انا كل السنوات اللي مضت كنت في مدينه ثانيه غير المدينه اللي عايشه فيها صديقتي عشان كذا كانت زيارتنا نادره..

كنا نتواصل بالتليفون بس انا اللي كنت اٍسأل واتصل اكثر منها وهي دايما تطنش مكالماتي ونادرا ماتتصل واغلب المرات تكون تبغى شي..

المهم لاني اعزها ولانه لها مواقف طيبه معايا طنشت..

الان انا انتقلت لنفس المدينه اللي صديقتي فيها لاني تطلقت وزوجي الثاني عايش في هذه المدينه...وقلت اللحين حنفلها مع بعض...

حضرت زواجي وفرحتلي من قلبها وفي البدايه كانت تناديني عندها بين فتره وفتره .... لكن الان انا كملت اكثر من سنه متزوجه وهي مادخلت بيتي ولا مره مع اني ناديتها كثيييير بس كل مره تعتذر وتبرر باسباب مو مقنعه..

وعلى فكره احنا نمووون مره يعني لمن اروح لها مو لازم تسويلي ضيافه ولاشي ونتقابل كل وحده ببجامتها عادي.. ومع ذلك لحد الان مازارتني

وغير كذا معد صارت تناديني لها كم شهر وكم مره المح لها اني طفشانه ونفسي ازورها ولا هي تجيني تقوم تصرفني

كثيييير صرفتني ....

وفوق هذا كله تمر شهرين وثلاثه ماتتصل ولا تسألأ حتى على الواتس اب ماتقولي كيفك ولاشي....

لو انا مااسأل هي هي مطنشه ... ولمن اعاتبها تبرر كالعاده انه عندها ظروف.... بس ظروفها مو مقنعه ابد وعيالها كلهم كبار يعني ماعندها اطفال يشغلونها..

وماهي موظفه... صحيح ماعندها شغاله بس مو معقول ماعندها وقت تكلمني لو ربع ساعه ... او تسأل عني على الواتس اب...

ولو سوت هذا كله برضو انا متضايقه انها الى الان مادخلت بيتي ... ودايما تصرفني لمن ابغى ازورها مع اني مااكلف عليها بشي...

وحتى اطفال ماعندي اقول يزعجوها ولا يوصخو لها البيت..


والله انا بدات اخذ موقف منها واندم على السنين اللي اعطيتها فيها اكبر من حجمها...

والله انا وفيه لها بصدق ولو تجيني كل يوم مستحيل اضايق بالعكس انبسط ودايما لمن اتصل عليها اجلس اكلمها بالساعات ويخلص رصيدي وانا اكلمها..

لكن هي ماتتصل الا اذا بغت شي واذا ماتبغى شي كلمتين وتقفل .... واصلا زي ماقلت تمر شهووور ماتتصل...

بصراحه عزت علي نفسي وصرت مااتصل عليها ولا اكلمها بالواتس ولا حتى ارسلها برود كاست عايدي...

من جد مقهوره منها مطنشتني اخر طناش ولا كأننا عايشيين في مدينه وحده...

انا اشوف انه هذه مو تصرفات صديقه حميمه وانتو اش تشوفو؟؟