انا صديقتي انخطبت وملكت وماقالتلي دريت من مرة ابوها
لما دريت زعلت بس شوي وبعدها اخذت هديه ورحت لها ولا عاتبتها ولا شي

يا كثر ما تصير .. بس صج اللي قهرني رفيجتي دايما تتصل واواصلها وتواصلني وبيوم من الايام حلمت فيها حلم كان تفسيره زواج واتصلت بقول لها عن الحلم الا رنة التلفون كانه خارجي وكنا وقت دوام عطيتها عذر وقلت اكيد شركة الاتصالات فيها خلل وهي ما ترد المهم عقب فترة اتصلت فيها مرة ثانية وقلت لها تراني اتصلت فيج الا الرنة خارجية فقلت مو معقولة مسافرة وقت الدوام قالت امبلا ماخذه اجازة قلت ليش عسى ما شر يمكن البنية مريضة قالت لا بس رايحة شهر العسل بعد لا تحصلنيني هواشتها هوشة عالمية واعتذرت حقي بس للحين مااخذ واعطي معاها مثل قبل ورسمية معاها لابعد الحدود ...عاد ليش قلت لها ما في عذر يخليج ما تقولين انج بتتزوجين ليش خايفة احسدج يعني لا لا تخافين وهي تتعذر وكل شي صار بسرعه قلت لها كل شي صار بسرعه وانتي على السرير طرشي مسج


يالله وبعدي بشوف زمن اللهم يا كافي

ياالله ذكرتيني على الي صار

انا بنت خالتي الي كانت زي اختي الي دايم اجلس معاها واسولف معاها وكل اسراري واسرارها عندي

المهم هي تملكت واجت عادي ولا كأن شي صار وتسولف ماتبي تبين شي محد عرف شي المهم بعد اسبوع اختفت تتقضى حق الزواج

بعدها بسبوع تزوجت عاد انا عرفت متى لليلة الدخله والله العظيم اني زعلت زعل ماعمري زعلته على احد ليوم هذا وانا زعلانه عليها بس اتكلم معاه رسمي مررره مااخذ واعطي معاها لها الحين 3 سنوات ونص متزوجه وانا حذفتها من عندي خلاص

لو هي قالت لي والله كان افرح لها واروح معاها واتقضى معاها واختار لها ملابسها واساعدها بس ماتوقعتها كذا والله للحين جرحي مابرد منها

عموما الله يوفقها ان شاء الله انا ماابي منها شي

صارت لي من اقرب صديقه لي تزوجت ولا علمتني ولولا كلام الناس كاااااااان للحين مادريت ومن بعدها قاطعتها للأبد