أماني قلب

أماني قلب @amany_klb

عضوة جديدة

صديقتها سبب حزنها

الأسرة والمجتمع

السلام عليكم ورحمة الله

سامحوني لو طولت بالسالفه هي تخص أغلى انسانه عندي( صديقتي ومشكلتها مع صديقتها) والله العظيم ماسجلت هنا الا عشان هالشي :icon33::icon33:


وخليني اسمي صديقتي مها .. وصديقتها نوره عشان تكونو على بينه

عرفو بعض من اربع سنوات .. وتعلقو كثير ببعض... بينهم مسجات واتصالات كثير باليوم

يعرفون ادق تفاصيل حياة بعضهم يشكون لبعض ويفضفضون وكل وحده مرتاحه للثانيه عالاخر

رغم انو فيه ايام تمر عليهم يصير فيها مشاكل ونكد وزعل بس يرجعون لبعض وتتصافى القلوب

وبتكلم عن الثانيه اكثر( نوره) عشان تفهمون الوضع زين

كانت مره مره متعلقه بصديقتي وتكلمها وتطلبها كثير جوال او عالثابت واحيانا لما تدخل صديقتي ماسنجر تزعل ذيك تبيها جوال تبي تسولف وتجلس معاها وقت كبير ولا تمل

وصديقتي تحاول بكل ماتقدر توفر الجو اللي تجلس فيه معاها وتكلمها لانها حاسه بوحدة صديقتها,وحاجتها لصديقه توقف معاها وتحس فيها

نوره انسانه مطلقه وصديقتي مها متزوجه يعني تستغل الوقت الي يطلع فيه زوجها وتكلمها او لما يناام
وزوجها عنده محلات ومشغول نوعا ما يعني البنت صار عندها فرصه تجلس مع صديقتها وقت كبير..
مع العلم ان زوجها مره يحبها ومتعلق فيها
ومو مقصر معاها وحياتها الزوجيه جدا مستقره
مها انسانه تحب التضحيات كثير لعيون هالبنت لانها حاسه بمعاناتها وحاجتها للصديقه الوفيه

وبصراحه اسلوبها مرره حلو فيها وفاء وفيها نبل وتقدر الصداقه وبقوه
بس مشكلتها عصبيه مرره
وياما طلبت انا منها وطلبت وطلبت منها تخلي اهتمامها بزوجها والناس اللي تحبها وتهتم فيها.. وتنسى هالبنت وتبتعد عنها وتشيلها من بالها لكن مها مصره انها مستحيل تتخلى عنها
ولا راح تنساها وبتبقى صديقتها الوفيه اللي ماتبي غير سعادتها ورضاها..
المهم الي صار
ان مها لما لاحظت ان نوره بدت تغير وتقول عندي ظروفي ومشاكلي وو
ذيك مرات تتحمل هالظروف ومرات تعصب لما تفقدها او تحس انها ابد مو هي الاولى
وجاء بيوم وكتبت لها مسج تدعي عليها وكانت بقمة عصبيتها
اللي صار ان صديقتها ماتقبلت هالكلمه وانقهرت وقررت تعاقبها
وكان العقاب قوي مرره رغم ان صديقتي سوت المستحيل عشان تبرر لها انها فعلا كانت بحالة عصبيه ولا قدرت تحمل تغيرها عليها ودعت عليها
والثانيه على يقين وثقه كبيره جدا ان صديقتي تحبها وتغليها وماتقدري تستغني عنها ابد والدعوه قالتها من ورى قلبها
علاقتهم جدا قوويه
المهم ان نوره ابد مو راضيه تسامح ومها تدمرت نفسيتها و تألمت وتعبت لان صديقتها مو راضيه تسامح وتنسى هالغلطه وانها جات وقت غضب مو اكثر
مسجتها كثير جوال تعبر عن ألمها وحزنها وندمها وتطلب السماح كلمتها اكثر من مره ,,عشر تطنش ومره ترد بس باسلوب جااف ويقهر
حظرتها نورة كثير عالمسنجر ومها تدري ومع هذا قالت بتحمل ثمن غلطتي
سوت كل اللي يجي ببالكم عشان نوره وعشان تعيد المياه لمجاريها مثل اول...لكن نوره كانت ذيك الفتره قاسيه مره على مها
ولا سامحتها الا بعد شهرين معاناة وترجي وندم!!

بين مسجات ومكالمات ومسجات عالايميل من مها .. تنازلت بعد مامسجتها وكتبت مسج مره مؤلم انها تعذبت من قسوتها كثير ياليت تسامحها
ووفعلا جا الفرج وقالت بسامحك بس تراني تغيرت حطي هالشي ببالك!!!!!
الصداقه مو تضحيات ووفا وتنازلات دام ما تضر العلاقه..!!

اجل ليه هالقسوه !!
بعد شهر رجعت مها كلمتها( لاحظو قبل كانت نوره اكثر من يتصل ويسأل ومتعلقه وكل وقتها لمها)
مع اني والله كنت مطلعه على امورهم وباين محبة مها لها وبشكل كبير ولا تقدر تعوضها بكنوز الدنيا
حتى نوره معترفه ان هالبنت قلبها مو مثل باقي الناس من طيبتها ومحبتها وتفضيلها لهالصديقه على باقي الخلق
يعني احيانا تسوي شغلات تبين معزة وقدر هالبنت بقلبها.. والله اشياء كثير مااقدر احصيها لكم تدل على ان هالبنت معدنها اصيل وتقدس العلاقة بقوه
ومستعده تنازل عن كنوز هالدنيا بس ماتفقد هالصداقه
اللي صار انها بعد شهر من هالمسج ( لما قالت بسامحك بس حطي ببالك اني تغيرت).
كلمتها والمشكله صار لها الان 3 شهور بالضبط.. ومع هذا كانت مره معصبه على مها وصارت تجرحها بالكلام انا ماعاد يهمني احد بالدنيا غير اهلى قالت مها واانا امري مايهمك قالت عادي قالت يعني انا وجودي بحياتك صار عادي؟
قالت ايه قلت لك ماعاد يهمني احد اهلي وبس
مها انقهرت وتألمت وستأذنتها وقالت يلا بقفل.. وقفلت الخط وعلى طول حذفتها مسنجر قالت دام ماتبيني وتشوفني شخص عادي بحياتها انسحب احسن
والله اني طول ايام الفراق الي حصل بين مها ونوره كانت مها تبكي وتعبانه مو متصوره انها تعيش بدونها هذي العلاقه سنوات مو ايام وتنساها وماكانت مجرد صداقه وبكره تنسى!

وكانت تتمنى لو تشوف اتصال منها او مسج حاولت بكل السبل انسيها هالبنت وصرت معاها اكثر من قبل ومتمسكه فيها بصراحه مها هي اغلى انسانه ولا اقدر استغني عنها واعترف اني احيانا احس بغيره لما اشوف اهتمامها فيها وحرصها على رضاها
وتمسكها العجيب فيها.. و كانت كل مره تصير مشكله بينهم تكون مها هي اللي غالبا تنهي هالخصام..
واللي صار بعد هالغياب بشهر كامل( الحين المشكله لها اربعه شهور) مسجتها نوره وقالت كيفك مها طمنيني عنك
مها ارسلت لها اليوم الثاني وقالت انها بخير ولله الحمد
والمصيبه ذيك بطلت لامسجت ولا فكرت تدق وتعتذر عالكلام اللي قالته
وصاب مها احباط فضيع وتألمت اكثر ليه تسأل عني دام ماتصلت واعتذرت.
بعد شهر برضه ثاني ( خمسه شهور الان) مها خلاص ماعاد تقدر تتحمل
ارجعت ومسجتها قالت بنفتح صفحه جديده بدون مشاكل او زعل توافقين نرجع لبعض رغم انها مجروحه وتعبانه... بس قالت اتغاضى شوي لعل الامور تكون من صالحي وتحس اني للحين شاريتها..

واللي اكتشفته مها في نوره انها بعد الرجعه ومن خلال محادثات المسن ان نوره تعاملها برسميه.. وثقل
ومها على طبيعتها تكلمها بمحبه ومعزه..وكل شوي مسج حلوو بتحسسها انها على البال وانها غاليه وان ماحد بيجي مكانها بالقلب
والثانيه ترد برسميه شكرا عالمسجات ولا ترسل مسجات نكت او عاديه مو عن المشاعر ابد...
وكل مره مها تحس ان نوره بعيده عنها مو مثل اول ابد
وبيوم كلمتها مسنجر( قبل اسبوع تقريبا) وكانت مره تعبانه قالت مها انا تعبت وانتي كيف قدرتي تتغيرين بالشكل هذا وانا لا.. للحين احس بغلاك ومعزتك بقلبي
قالت نوره بكل برود قلوبنا مو ملك لنا .. المهم مها خلاص صارت حزينه وستأذنت بأدب منها وطلعت من المسنجر
وبعد ريع ساعه دقت نوره وقالت ليه زعلانه ومن هالكلام انتي عزيزة وغاليه بس غلاتك مو مثل اول مابي اكذب عليك.. وانا ادخل المسنجر بس عشانك والله
لو منتي موجوده مايهمني السوالف مع البنات ووووووو
الكلام حلوو بس التصرفات تقهر ماتدل الا على ثقل ورسميه...
وصديقتي بصراحه مقهوره وش الي غلاك مو مثل اول!!
على فكره نوره من النوع اللي يكابر كثير وناادر تطلع مشاعرها واحيانا مها تقول يمكن عشان هالشي ... ومرات تقول اكبر دليل ان لما رجعنا اغلب العلاقه عالمسنجر يعني نادر تدق وتكلمني
قبل مستحيل تبدي المسنجر عالجوال الا وتزعل بعد لو قالت مها تعالي مسنجر نسولف
بصراحه البنت مره تتألم مو قادره تبتعد عنها او تعاملها بالمثل وثقل.. ورسميه
هي مشكلتها على طبيعتهاا واللي بقلبها على لسانها ودوم تحسس نوره بمعزتها وغلاتها وانها ماراح تتخلى عنها ويهمها رضاها وراحتها
انتم شرايكم حلفتكم بالله لو انتم مكان مها وش بتسوون؟
احنا نغلط ونسامح وننسى معقوله فعلا البنت ماعاد تغليها زي اول اجل ليه حريصه دايما تتواجد معاها مسنجر وتدخل على مها وهي بدون ظهور عالمسن وتسولف بالساعات معاها
اسألكم بالله فهموني ليه تعاملها كذا هل فعلا تكابر... او ملت منها
مع انها تحلف وتقول انا مامليت منك وعزيزة ووو وتهمني راحتك وابيك تكونين بخير ووووو
اجل ليه هالرسميه وهالتغير!
ليه هالتناقض!
تكفون والله انها محتاجه تساعدوها وشلون تصرف معاها

قلت خليني اتدخل وانزل مشكلتها هنا وانتم تساعدونها.. لاتخيبون رجاءي ربي مايخيب رجاء ولا وحده فيكم ويحقق امانيكم
16
1K

يلزم عليك تسجيل الدخول أولًا لكتابة تعليق.

تسجيل دخول

ذكريات _تسطع
ذكريات _تسطع
الله يصلح بينهم بس صح مبينن انها تعلق حد التملك مااعرف كيف ؟؟
هموم الليالي
هموم الليالي
والله اختي العلاقه ماهي طبيعيه واضح انها من نوع خاص

صراحه بس اكيد علاقتهم فوق الصداقه وفيه شي من الحب اللي طالع اليومين هذي

تقبلي كلامي بصدر حبوبه
أماني قلب
أماني قلب
علاقه لها اربع سنوات أكيد بتصير قووويه انا قلت كيف يكون الحل بهالموضوع
ماقلت حللو نوع العلاقه الله يهديكم بس


ولاتحطون شي بذمتكم ياأما ردو بعقل ولا بلاش تدقون بالحكي والتجريح
نوتيلا بالبندق
تعاملها برسميه مثل تعامل صديقتها وبعدين غريبه وين زوج صديقتك ليش ما تعطيه كل الحب عشان ما تحتاج احد وانا اشوف ذيك بدت تدلع يوم شافت صديقتك تركض وراها خليها ترفع نفسها لا تذل نفسها عند احد غير ربها ثم امها وابوها وان من راي لا تبين انه متعلقه فيها بزياده وقوليلها تخفف شوي يعني تثقل وبعدين خليها تشغل نفسها ببيتها وزجها وعيالها احسن وهذه صديقتها تواصلها بين فتره وفتره ولا تصير تعاتبها كثير تخليها براحتها اذا اتصلت تكلمها واذا ارسلت ترد وبكذا تكسب معزة نفسها وما ترخص نفسها لاحد صقني ان صديقتها يوم شفتها تركض وراها تغلت كذا الناس يحبون احد يركض وراهم وانا ما اشوف انها مشكله تخليها تقلب حياتها فوق تحت صح انها قهر بس يمكن خيره عشان ما تعلق في المخلوق فيه في الدنيا مشاكل تكسر الظهر والدنيا ما تستاهل نعطيها اكبر من حجمها والله يصلح النفوس
ice princess
ice princess
شوفي لاحظت في الصداقات انها تمر بلحظات ارتباط قوية يعني مكالمات كثيرة ومسجات كثيرة
ثم بعد مدة تبدا العلاقة تركد وتتزن
ممكن ان نورة دعوات مها جرحتها وخلتها تتعلم درس وترجع نورة لطبيعتها الثقل
لان الانسان مهما خرج عن طبيعته الا مايرجع لها
انصح مها تتقبل نورة مثل ماهي بشخصيتها الجديدة وهي العلاقة الجديدة صحية اكثر
واحسن من قبل ولعلها خيرة لمها لو استغلتها انها تنشغل بربها وبنفسها .. بزوجها
وتتعامل مع نورة على نفس الوتيرة وتلهى بحياتها ومتأكدة مصيرها تنسى وتحس بالراحة
لأن العلاقة اذا كانت زايدة عن حدها ابد مو صحية ولا مريحة
الي راح يصير انه مع الوقت يا ان نورة ترجع مودتها لمها ولازم انهم يحافظون عليها ضمن الاطار الصحيح
محبة في الله ولله بعيد عن مسجات المودة الزايدة مثل انا مااقدر اعيش من غيرك والدنيا ماتسوى من دونك شئ
.... الخ كلها كلمات تدل على ضعف الانسان وعلى تعلق مو صحي
او الي يحصل ان مها تلقى امور ثانية في حياتها تشغلها وترتاح فيها