صديقتى هجرتنى من سنه وش الحل الله يخليكم

حكايتى باختصار مع صديقتى الحميمه

لما كنا بالثانوي كنا صديقات الروح بالروح لدرجة ان البعض يضننا خوات من كثر الالفه

المدرسات كانوا يسمونا الثنائي المرح

ماكان فيه شي يفرقنا دااائما مع بعض وبالاجازات كنا نزور بعض

دخلنا الكليه سوا بنفس القسم

ولما صرنا بسنه رابع بدات صديقتى تتغير بشكل ملحوووظ تتهرب منى ولا تبي تكلمنى

حتى المكالمات ماترد على احيانا تخلى اخوها الصغير والا اختها يردون ويصرفونى

لدرجة ان صديقاتي يسالونى هل تزاعلنا والا وش السالفه ؟ ارد عليهم علمى علمكم البنت تغيرت معى

صارت تجلس مع بنات ثانيه واذا شافتنى ولا كانها تعرفنى

واجهتها وسالتها عن سبب هالتصرفات واذا كنت غلطت عليها وانا ما ادرى ..؟

قالت .. ابد ماشفت منك الا كل خير ولا حصل شي ... وتهربت من الموضوع وراحت

الحين قاطعتنى من سنه ما اعرف اخبارها ولا ترد على مسجاتي .. يمكن مره او مرتين

اللى ارسلت لى مسج تقول انها مشغوله ماهي فاضيه وقالت انها بتتصل بعدين والى يومكم ما اتصلت

كل ما اتذكر ايامنا اول انقهر وابكى ماتهون علي العشره اللى بيننا

فقررت انى اتصل عليها للمره الاخيره واذا ماردت راح ارسل لها مسج فيه عتاب واسف على اللى

سوته معى وانى راح اتركها بشكل نهائي يمكن تحن لايامنا وتندم وترجع المياه لمجاريها

وش رايك يابنات هل استمر اتصل عليها او ارسل لها مسج من شان يهزها ويصحيها

اذا كان رايكم ارسلها مسج ياليت تعطونى مسج قوووووي يخلي دمعتها تنزل لما تقراه وتتصل وتقلى وش سبب معاملتها معي

انتظركم