هلا خواتي
بدخل في الموضوع على طول..
بنات انا عندي صديقه عمري حالتها حاله بسبب زوجها..السالفه هي تزوجت من سنتين ..وعندها ولد عمرة تسعه شهور..
واكتشفت بعد الزواج ان زوجها يشرب خمر..والعياذ بالله..
وهو الشهاده لله انه طيب وكريم وولد عيله معروفه بس الله مبتليه بهاالسم هذا..انا من فترة الاحظ عليها انها متغيرة ونفسيتها دمار وكل ماسألها تقول مافي شي بس اهلي وحشوني..لين مرة كلمتها وقعدت تبكي وقالتلي السالفه..
تقول حاولت اكلمه وانصحه يقولها ادعيلي انا والله ودي اتركه بس مو عارف كيف اتركه شوي وبعدين ارجعله..
تقول قلتله انا مابي المنكر في بيتي يقولهل احمدي ربك اني اشربه عندك ولو طلعت مع اصحابي كان تعلمت على اشياء اكثر من كذا..
تقول انه يصلي وكريم ويتصدق كثير معروف في العيله انه مايخلي احد يحتاج وبار في امه وابوه..
بس الله مبتليه في هالبلوة..
قالها اذا منتي مرتاحه روحي بيت لهلك واذا تبين الطلاق بكيفك واللي بينه اسوي لكي بدون مشاكل..وهي تقول انا ماودي افرق ولدي عن ابوة لانه متعلق فيه مرة..
وفي نفس الوقت موقادرة اعيش معاهوانا اشوف كل يوم الكاس في يده..تقول انه تجيه فترات يخليه شهر وشهرين وفي رمضان..بعد..وبعدين يرجعله..موعارفه وش تسوي ..ماتبي تقول لاهلها تقول اخاف اغثهم..
هم يحبونه ويحترمونه مرة..تقول مابيهم ينصدمون فيه..تقول حتى امه مو راضيه على كذا تقول بس مالها حيله..تقولها يابنتي ادعيلها الله يهديه..
وهي قالتلي وانا انقهرت عليها وماعرفت وش اقولها يابنات..
مرة ضاق صدري عليها مسكينه ماتستاهل..انا قلتلها ادعيله بصلاتك..تقول والله ادعيله ونص الليل اقوم واصلي وابكي وادعيله..
تقول مشكلتي اني احبه ومقدر اخليه..هو طيب معاي ومايقصر علي بشي..لو شي بي اخر الدنيا اجيبه..واشوفه كيف تعامله مع امه وابوه واخوانه.ومع الناس اقول ياربي ليش كذا كل شي فيه زين لو ادور الدنيا مالاقي احد في طيبته ..بس ليت ربي يفكه من هالسم اللي مبتلي فيه..
هو دايم يقولها ادعيلي وهو بعد يدعي لنفسه تقول اسمعه في صلاته..وادخل غرفتي ولقعد ابكي من القهر..
انا محتارة يابنات..والله اني ادعيلها..وش الحل برايكم ؟؟
ابي منكم الراي؟؟ وش اقولها وانصحها فيه..وامانه يابنات ادعولها وادعو لزوجها بالهدايه..
وياليت تعلموني بدعاء علشان اقولها تقوله في صلاتها..
تسلمون يعطيكم العافيه..
أنتظر طفلي @antthr_tfly
عضوة نشيطة
يلزم عليك تسجيل الدخول أولًا لكتابة تعليق.
خليك أول من تشارك برأيها 💁🏻♀️