السلام عليكم
هذي صديقتي أم ساره ترد على قصيدة الرجال اللي يبي فلوس حافز من المسيكينه حرمته اللي ماصدقت ان حافز نزل في حسابها وللحين ماهي مصدقه انه نزل لها
أول شي قصيدة الزوج هي
تكفين يابنت الاجاويد تكفين.......نبي سلف وألا ابيها معونه
اما عطيني الف والاالألفين.......مادام حافز اليوم يوزعونه
وأنا تراي أستاهل ولاني معك شين...ومعروفي الاول ترا تذكرونه
اما شرينا به شياه والابعارين.......والا به المديون خلص ديونه
ردي عليه بالخبر وش تقولين......عسى ابو عيالك ماتخيب ظنونه
عاد أنا ارسلت القصيده لصديقتي ام ساره اللي هاجت قريحتها بهذه الابيات وقالت عساه تصل صاحب القصيده ويستحي على دمه بياخذ الفلوس اللي بابا عبد الله عطانا اياها وبيحطها في بعارين
تقول أم ساره في ابياتها اللي عصرتها عصر وهي منسدحه على السرير وسط الظلام بس الحمدلله ابو ساره ماانتبه لها والا كانت نسيت الشعر وأهله
يابن الحلال حافز ماغير ألفين.....ألف للسوق وألف خذها معونه
بس الديون والشياه والبعارين....الله يعين أهل الخير يصرفونه
روح لهم بتلقى الدبل دبلين.....اللي ينتخيهم مايخذلونه
عندك ذوي حويمد وعندك ذوي عفين.......اللي مديون تراهم يعينونه
أما الحريم تراهم على الزين والشين..... الا بالفلوس اللي يطريها ترا بيلعنونه
اييييييه تذكر يوم أقول ابي بطاقة شحن زين ....جيبها يارجال قبل جوالي يفصلونه
يومها عطيتني على الخد كفين....وسيلت دمعي من محجر العين وجفونه
وعطيتني ركله في بطني مع الفخذين.....وحذفتني بالريموت وقلت الورعان لايخربونه
وفعشت شوشة رأسي مع الابطين....وهلحين تقول معروفي ذاك تعرفونه
هاااات الفلوس مافيه ألف ولا ألفين....لابارك الله في اللي حافز بيتوزعونه
عاد يابنات ماكن ام ساره اول القصيدة كانت حنين وبتعطيه ألف بس بعدين تذكرت بطاقة الشحن وعصبت وحرمت عليه الالفين :16:
تحياتي لك ياأم ساره واش رأيكم يابنات اذا تفاعلتوا مع ام ساره بتسجل في المنتدى معانا
ههههههه ههههههه هههههه
هناااك التقينا @hnaaak_altkyna
عضوة جديدة
هذا الموضوع مغلق.
اييييييه تذكر يوم أقول ابي بطاقة شحن زين ....جيبها يارجال قبل جوالي يفصلونه
تسلمين يام سارة
تسلمين يام سارة
الصفحة الأخيرة
حلووووه
تسلم يدك يا ام ساره على الرد