صديقتي اتصلت علي تبكي..وانا السبب!!!

اهلين يااحلى بنات في الدنيا..صباحكم ورد وزي العسل وانتو العسل كله..

قبل فتره نزلت وحده من البنات موضوع رائع عن الاحتضان والملامسه العفيفه بين الزوجين اثناء النوم وكان موضوع اكثر من رائع ونقلته انا لصديقتي اللي لسا طبعا عروس مثلي المهم اعجبتها الفكره مره وقالت لي ان زوجها ايام شهر العسل حتى وهم نايمين لازم يقرب منها ويحضنها وانه كان يحرص على هالحركات علشان كذا هي بتحرص اكثر منه وبتحاول تكون قريييبه منه اثناء النوم..امس ترقى زوجها في وظيفته وفرحت له فرحه ماتتصورونها وعزمته ياحياتي هي على العشا برا وراحت وشرت لامه هديه للعيد ورجعوا وبعد ماتسحر نام وهي جلست شوي بعده عندها كم شغله بتخلصها المهم هي راحت للسرير تبي تنام وشافت زوجها يتقلب وفتح جواله وطالع في الساعه ورجع يتغطى المهم( وهذا هومربط الفرس) راحت الضعيفه ولزقت فيه بكل هدوء قام هوشال يدها عنه نام على بطنه قالت له هي بكل ادب ممكن انام في حضينك..تخيلوا وش قالها ...قالها تكفيييييين ياشيخه فكينا من حضينك ..ونام وزلبها..

الضعيفه كلمتني تصيح وضايق صدرها وتقول يرحم زمان اول يوم انه لازق فيني لكن هذولا الرجال ماينفع معهم الا اللي يطنشهم..قلت لها انا حرام يمكنه نايم وما حس بنفسه وحلفت لي انه كان صاحي وقتها وعارف وش يقول لانها قالت له عد ماسمعت وش قلت وعاد عليها نفس العباره!!!
هي مره مجروحه من الكلمه وانا بصراحه احسها شوي قويه خصوصا على عروس بنات عطوني رأيكم الله لايهينكم..وش اقولها!!!؟؟؟؟