صديقتي الارمله محتاره محتاجه ارائكم

انا اترت بعد
انا عن نفسي بختار الثاني لانه مو متزوج وماعنده عيال وتبدأ معاه من جديد...
الالول متزوج ويمكن تصير مشاكل كبيرة بينهم من زوجته الالولى
فاابعد عن الشر وغنيله
الله يرحم زوجها ويكون بعونها

مدري بس أنا أشوف الثاني احسن دام ماعنده زوجه

صراحه الثاني افضل لان الاول حتى لو كان رزين وخلوق بس فيه عيب قووووي انه متزوج اما الثاني تاخذة وتكون قد المسئوليه وتحاول انها تكسبه علشان مايتزوج عليها

مدام هي استخارت الخيرة فيما اختارة الله

لو خذت الاول بتصير مشاكل لها ولبناتها هي في غنا عنها لانها خذت زوج سلفتها مدري احس قويه حتى لو مقتدر وظروفه تسمح يتزوج مدام زوجته معترضه وناويه مشاكل خليها تشيله من راسها

يعني هي وبناتها في حاجه رجل يعيشهم بامان واستقرار مو شخص متزوج كل يومين بتصير مشاكل وعداوت

بس هي اعرف بزوجته الاولى هل تقدر تتاقلم معها ولاتنسى انها بتشوفها باستمرار عند اهل زوجها وفي جمعاتهم وعزايمهم لانها بالاساس كانت زوجة واحد من عيالهم ....

وعيالها اساسا عيالهم وهذا الي بتاخذه قبل يكون زوج امهم يكون عمهم وعياله عيال عمهم .. لازم تحسب حساب اي شي ممكن يصير

خليها تفكر في الثاني وتستخير فيه على الاقل مطلق وبيكون لها ولبناتها طبعا اذا اخلاقه كويسه وراعي دين وصلاه ومافيه عيب
اهم شي لاتستعجل لانها خطوه مهمه في حياتها لاتتسرع ابدا ..

ولو ماحصلت واحد فيه مناسب وبتستقر معه وترتاح الافضل انها تجلس تربي بناتها افضل من المشاكل ووجع الراس واشياء تاثر على بناتها وحياتهم