صديقتي الامريكية غير مسلمة عندها اسالة عن الكعبة؟؟

السلام عليكم
لي صديقة في العمل امريكية غير مسلمة
لاحظت عليها اهتمامها بامور الاسلام
اجاوب على اسألتها وتنبسط لأن بالي طويل واخليها تستفسر عن كل شي براحتها

سألتني عن الكعبة وعاد تخبرون الغربيين قبل لا يسأل يجمع معلومات من مصادر كثير عن الشي الي يبون يستفسرون عنه
قالت لي انه تبين لها ان الكعبة مجرد بناء وانكم انتم في العصر الحديث رممتوها وهذا الشكل الي فيه الكعبة ماكان كذا في السابق؟
قلت لها صح ولكن مازال لها نفس المكان والحجم .
قالت لي: انا اعرف انه انتم مثل من كان قبلكم تقدسون الكعبة وتعظمونا وماتعملون شي يخربها وكل الي تعملونه مجرد ترميم.
قلت لها: صح كلامك
قالت لي: طيب ليش تصلون عندها؟
قلت لها: لأنها القبلة وقبل كنت اتجاه القبلة بيت المقدس
قالت لي طيب ليش الناس يصلون حوالين الكعبه من كل الاتجاهات( تقصد ان الكعبه زي ماتشوفها بالحرم بالتلفزيون ) ؟ ليش هي عظيمة؟ وليش بناها ابراهيم عليه السلام ؟ وهل تعبدونها؟
حاولت افهمها بس مااقتنعت لسه تقول لي ليش لكعبة عظيمة؟


ليش تصلون عندها داير مدار انا اشوفكم حلقات حوالين لكعبه ليش؟

قلت لها بصراحة انتي داخلة في العميق بس اوعك اني راح اجيب لك الاجابة من اس عالمة بالدين اكثر مني واذا حصلت لك كتاب يجاوب على اسألتك راح اجيب


وسؤالي لكم وين مكاتب توعية الجاليات بالرياض؟ وياليت بالشمال يكون اقرب لي؟
هل تعرفون دعاة ممتازين بالانقلش عشان عندها اشياء كثير تبي تسال عنها وتبي حجج تكون قوية
هل هناك كتب تتكلم عن الكعبة؟
انا اعرف كتب للاسلام بس بصراحة اول مره اشوف وحده مهتمة بشكل مهو طبعي بالكعبة !!! عادة الغير مسلمين يسألوني عن الله وعن النبي محمد صلى الله عليه وسلم




انتظركم خواتي :)