صديقتي الجديدة طلعت قصتها مثلي بالضبط مع اختلاف بسيط

السلام عليكم يابنات السنة ذي جانا مدرسة من غرب الرياض نقل وكنت علاقتي فيها خفيفة إلى أن جاء اليوم وتكلمنا فترة طويلة وقلت لها انه ولدي رضع من عمتي وانا رضعت بنتها ففاجأتتي وقالت بعد أنا بنتي رضعتها خالتي وبقولك القصة
خالتي تزوجت صغيرة عمرها ١٨ جلست ٣٠ سنة ماحملت بس زوجها يحبها مره وماتزوج عليها يوم صار عمرها ٤٨ وصارت حامل تجننت من الفرحة وجننتنا معاها وفي نفس الفترة أنا كنت حامل وولدت قبلي ب ٢٠ يوم وجابت بنت وانا بنت وبعد شهرين من الولادة قالت لي انه تعرفين عمري كبير ومستحيل اني احمل من جديد وماودي انه تصير بنتي ماعندها اخوان وودي ارضع بنتك عشان تصير اخت بنتي انا عادي عندي بس زوجي رفض وقعدت اقنعه لين اقتنع ولما جات خالتي لبيتي عشان ترضع البنت البنت رفضت ترضع كانت مسكرة فمها وكانها تشم اذا ريحة امها ترضع غيرها لا حاولت اكثر من مره والبنت تبكي ماتبغى ترضع
مره من المرات سألتني خالتي وقالت اتذكر انك كنتي تاخذين دش يوميا استغربت السؤال قلت ايه قالت تستعملين اي صابون والا شيء محدد قالت زمان اي شيء الحين فيه الصابون اللي لونه بنفسجي استخدمه يوميا من حوالي سنتين قالت طيب مع السلامة ومشت ماشفتها الا بعد عشر ايام واول ماقابلتها الا وريحتها من الصابون حقي قالت بسرعة جيبي البنت جبتها وحطتها على صدرها البنت قربت وفجأة صارت ترضع قلت كيف ياخالة قالت شوي واعلمك
بعد نهاية الرضعة حطت البنت في السرير وقالت لي انه بعد ماطلعت من بيتي فكرت واكتشفت انه البنت كانها تشم وتعرف ريحة امها وانت ريحتك صابون عشانك تتحممين كل يوم رحت واشتريته وجلست ١٠ ايام كل يوم يااخذ دش مره او مرتين على حسب الفضوة لين مازوجي قالي انه صار يشمني من مسافة قلت نجرب لو مانجحت الفكرة ماراح اقدر ارضع البنت نهائيا ونجحت وجلست بعد اليوم تكمل بالصابون وتجي بيتي وترضع البنت لين خلصت خمس رضعات وصارت بنتها