صديقتي الخبيثه

هلا بنات...
وصلت لمرحله ابي اصير خبيثه...ابي اصير لعينه ابي اصير ام دوابير على قولتهم...طيبتي بتهدملي بيتي...ابي كيد النسا اللي اسمع فيه..
للي ما يعرف قصتي...زوجي وصل لمرحله يبي يعيش حياته ويفلها وقال الامور تمشي مثل ماهي عليه بس هو بيدور سعادته على قولته..وصار لنا سنتين كل واحد بغرفه...المهم جربت جميع الطرق ..التطنيش الاهتمام التدليع ...يتفاعل معي بس ما غير موقفه ابد ... ولا يبادر ابد حتى بكلمه حلوه...صارله كم شهر انتقل لمدينه ثانيه يشتغل فيها ويجينا في الويكيند..ولما يجي يقضي اغلب وقته في غرفته وعياله لما يقولونله ماتقعد معنا في الصاله زي اول يقولهم اللي يبيني يجيني بابي مفتوح!! طبعا ما يسأل فينا ابد طول الاسبوع لا بمكالمه ولا حتى بمسج.
الطامه الكبرى لما اكتشفت ان صديقتي اللي اعتبرتها اكثر من اخت واللي تقرب لزوجي اصلا...طلعت عقرب رمل ...ولها علاقه بزوجي (الله اعلم نوع العلاقه) وكانت محط اسراري كل شي كنت اقوله لها..حتى اني اقولها لو ظروفي تسمح كان تطلقت وما كملت معه...مع العلم انها متزوجه...بس خبيثه توصل للي تبيه ..وشخصيتها تسحر سبحان الله تسيطر عليك.
انا مليت من محاولاتي مع زوجي ويأست الله حسيبه..بسوي الواجب فقط.. وصديقتي سحبت عليها بس هي مازالت تحاول تتواصل معي وكل مره اتحجج بظرف...انا ما أقدر اواجها لأني اولا/ ماعندي دليل ..ثانيا/ حتى لو عندي دليل وحطيته في عينها ما اتوقع يهمها وماراح تخاف تتطلق لأن زوجها شاريلها بيت بإسمها و مستقله في حياتها وموظفه يعني امورها في السليم..وما اظن بيهمها كلام العيله او الناس ويمكن وقتها زوجي يتزوجها...مدري بنات زحمة افكار في راسي.
انا حاقدة عليها اكثر من حقدي على زوجي احس موقفي سلبي صحيح منتبهه لعيالي وبيتي بس صايره متفرج اشوفها تسحب زوجي بس ما بيدي حيله...الى متى ابتحاشاها وانا مصيري اشوفها في جمعات العيله...وكيف اتعامل معها ..هل احسسهم اني داريه بس ايش بستفيد خصوصاً اني ما اقدر اخذ موقف...
زوجي مهو حريص ابد على انتقالنا عنده صحيح قالها مره بس واضح انها مو رغبته وانا ماعندي استعداد انتقل على وضعنا الحالي...وانا متأكده اذا تقابلت معها انها بتسألني عن انتقالنا .. مو عارفه ايش الرد المناسب هل اقولها ان وضعنا في السليم واحتمال اني انقل (بس كذا العب عليها) او ان الامور لسه ما اتضحت ..او اقول اني ماراح انقل العيال متعودين على مدارسهم واهلهم ما ابي اقطعهم عن احد..حطو في بالكم ان الكلام اللي بقوله احتمال كبير يوصل لزوجي.

وكيف اوقفها عند حدها