صديقتي السوريه ..

السلام عليكم ورحمه الله وبركاته ..

بصراحه ما اعرف للمقدمات وبدخل فالموضوع على طول والله اكتب وانا حزينه جدا .. لدي صديقه سوريه جدا محترمه وعائلتها ايضا اتعرفت عليها تقريبا من مده وماشفت الا كل خير المهم قبل كم يوم جاتني مره متضايقه وصوتها كل بكي تحكيني عن وضع اخوانها فسوريا مع هالحرب والدمار اللي حاصل عندهم الله يرفع عنهم ويفرجها عليهم عاجلا غير اجلا وتقولي ان عائلتهم منقسمه نصفهم في سوريا والبقيه في السعوديه ولا يسمح لهم بالدخول لان ابوها احضر اربعه فقط من ابنائه ولا يسمح له بدخول الثلاثه الباقين وللاسف اصدقائهم السوريين رافضين يعلمونهم كيف دخلو اولادهم وقرايبهم كل واحد يخبي على الثاني سبحان الله مدري ليش .. و انا مره مستغربه انهم ما يقدرون يجون عندنا طيب ليش مو المفروض يتعاملون معاهم معامله خاصه عكس اي دوله ثانيه والله انا قلبي محروق عليها كثير طلبت مني اساعدها اجيبلها واسطه وارحم دموع امها وابوها لكن انا مابيدي شي ليس لدي لا حول ولا قوه اكره احد يحتاجني ولا ألبي له طلبه ..
مني عارفه ايش اقولها قلتلها اسئلك واشوف اللي عندها خبره وتعرف كيف تجيب اخوانها تقولي بصراحه حالهم يحزن حتى اكل مافي و لا بيت يأويهم وحالتهم حاله مشردين فجأه يجيهم حصار وطيرات وقنابل وهم الله اعلم بحالهم .. الله لا يبارك فاللي كان السبب ..
الله يسعدكم اعطوني حل اقولو لها حاولت اسئلها من اللي اعرفهم بس محد عارف قلت اشووف ان شاء الله الاقىي عندكم حل معليش ترى كلامي مو مرتب بس حبيت انقل كل اللي قالته ليا.. و شكرا لكم ...


الله يصلح احوال المسلمين في كل مكان .. وحسبي الله ونعم الوكيل ...