صديقتي الغيور كيف اتعامل معها ؟

صديقتي تعرفت عليها عن طريق منتدى ثم مسنجر ثم واتس اب

وتعمقت علاقتنا حتى صرنا ع طول عالواتس اب نفضفض البعض كل شي
وصرنا كتاب مفتوح لبعضنا

ولاشفتها ولاشافتني ابدا ولااعرف شكلها
وهي بمنطقة وانا بمنطقة

انا متزوجة ومارزقت باطفال . وصديقتي عزباء وكلنا بنفس العمر بالثلاثين

المهم لاحظت عليها غيرتها مني من اول موقف صار بيننا

كانت ترفض تعليمي تصميم لما طلبت منها

ولما كنت اكتب بالمنتدى طبعا هي صاحبة المنتدى

صارت تتجنب ترد علي وتختفي عن المنتدى

صارت بيننا مشاكل بهالخصوص نتخاصم ونفترق ونرجع

وكنت لما اسافر تسافر بعدي ع طول ولما اصور لها بيتي تروح وتحط مثلي

ولما تعلمت مونتاج وفتحت قناة وفتحت حساب بتويتر ع طول فتحت وطلبت مني اعلمها

ولما مره طولت عند اهلي ولما رجعت لبيتي قلت لها فاستغربت ردة فعلها قالت لي انتي عروس عروس

وثاني يوم راحت فندق مع اهلها وصورت لي

وانا مستغربة على بالها اني رايحة او مبسوطة او كذا

المهم انا كنت اشكي لها حياتي وافضفض لها عن ظروفي

لما تملكت باركت لها عادي بس استغربت ردة فعلها لما اسولف لها عن الزواج

كانت تقول : انتي زوجك مطلق انا لا , وانا شفت زوجي وكلمته وانتي لا

وهي طلبت من زوجها الشوفه والمكالمات

انا كنت اقولها اني مااحب زوجي عادي عندي

فكانت تقول لي انا حبيت زوجي ولو ما اعجبني ماتزوجته
وهو حلو ومزيون
وتسولف عن تصرفاتها هي وياه بالملكة

وسوت زفة وسافرت برا

انا ماسويت بزواجي ولاشي وماكنت ابي زوجي وموعاجبني شكلا وكنت اشكي لها اني ماسويت شي بعرسي واتمنى صار لي كذا وكذا وحسيتها سرقت احلامي وامنياتي وسوت اللي ماسويت

حسيت من تصرفاتها انها تبي تغايرني وتنافسني وتقهرني

انا عصبت وانقهرت من ردة فعلها واصلا انا مكبوتة من تصرفاتها اللي قبل

وعطيتها كلام زي السم وقلت انتي غيور وحسود وحققتي اللي تبين واحلامك وامنياتك وانا لا فشلت
وكنتي تتفرحين علي وتبين تنافسيني

وتقلديني وتقليدك وغيرتك طفشني

هي زعلت وافترقنا

هي تقول انتي حسود وعرفتك ع حقيقتك

وانا اقول نفس الكلام

وماادري مين الصح
وحنا تعبانين من الموقف اللي صار بيننا وعلاقتنا اللي انتهت للابد بهالشكل

الصراحة انا انهيتها بسبب الغيض اللي في قلبي عليها وقهرها لي

مدري هو مجرد ظنون واحساس ولا تخيلات ولا انا صادقة

تعبت

واخاف اذا رجعت لها اتعب من تصرفاتها معي وانا ماعاد اتحمل