صديقتي القديمه

السلام عليكم
الموضوع ومافيه يا جماعه ان احنا مجوعه بنات بالكليه المهم فيه وحده مننا كل كلامها تقول انا ما اعرف اجامل وانا اعطي بالوجه والله ردودها كلها وقحه بس تبرر هالشيء انه صراحه لدرجه وحده من البنات بكت قدامها من كلامها المهم انا حصل بيني وبينها خلاف وجلست تتصرف وتتكلم بوقاحه على اساس هي ما تعرف تجامل وصريحه المهم اني صرت اتحاشاها ولا اتكلم معاها اللهم سلام ومن بعيد كمان وهي حست انها تبجحت علي بالكلام وبادلتني نفس الشي اللي هو تطنيش انا الان ما ابغى يرجع اللي بيني وبينها ابد بس المشكله هي من ضمن المجموعه يعني مضطره اقابلها ولما نتكلم انا والبنات عن شيء تتعمد تتناقش معانا وتعلي صوتها ع ساس شوفيني حتى لو الموضوع مو من اهتمامها كل تصرفاتها تحاول تلفت انتباهي شلون اطنشها ياجماعه هل اترك المجوعه كلها عشانها لانها متعبتني نفسياً ولا ششنو اسوي افيدوني الله يجزاكم خير