صديقتي الله يسامحها تعالوا شوفوا وش قالت لي

هذي صديقتي كانت معاي بالثانوي وتزوجت على طول بعد ما تخرجنا وكنا كل ما نكلمها انا وصديقتي الثانيه تسأل ما انخطبتوا ومتى بتتزوجون شكلي بموت وانتو لسا ماتزوجتو وتضحك وتغيرت حيل صار تفكيرها زي الحريم الكبار ، وتأخر عليها الحمل صار لها 3 سنين وما حملت الله يرزقها ودايم والله ادعيلها على قد ماتجرحني انا وصديقتي بكلامها ،، واليوم جات تكلمني على البيبي ونفس كلامها حق دايم وسألتني مين انخطب ومين اتزوج مدري تحسبني خطابه !!! فقلت لها خالتي انخطبت من واحد بنفس قبيلتنا قامت قالت يوووه اصعب ناس هالقبيله ورجالهم مرا لا ومن ذا الكلام وتحط فيسات قرفانه من قبيلتنا ،، وانا كنت احسبها تمزح وقلت لها احسن من قبيلتكم وش فيها قبيلتنا قالت لا ياحبيبي رجال قبيلتنا يحنون على الحريم مو مثلكم  وتتمصخر فينا وتضحك فقلت احترمي نفسك لان مو حابه نغلط على بعض وجلست ترمي علي كلام واخر شي قالت لي روحي ذاكري احسن لك واهتمي بمستقبلك وتضحك بكل سخرية فقلت لها ايه بذاكر وبهتم بمستقبلي اللي ماقدرتي توصلين لها ولو تهتمين بمستقبلك ومستقبل عيالك اللي لسا ماجو يكون احسن وحذفتها على طول لان مو حابه اسمع منها كلام اكثر واحس جرحتها بنفس الوقت على كلمتي ان تهتم بمستقبل عيالها اللي لسا ماجو والله انا ما اقصد عشان ماتخلف بس ابي تنشغل بنفسها وتترك الخلق خايفه ربي يبليني على كلمتني وانا وربي طول ما اتزوجت وانا ادعي لها بصلاتي يارب ترزقها الذرية الصالحة  ،، انا كثير اعدي لها وهي دايم تجرحني على قبيلتي على ان قبيلتي من اكبر القبايل والكل يمدح فيهم وهم قبيلتهم جدا عادي ومافكرت بيوم اجرحها او اقلل من شأنهم دايم تنقص مني انا وصديقتي وتنتقدنا وكل ماسوينا شي قالت يووه تسونه ،، والله مرا متضايقه واحس اني جرحتها بكلمتي الله يسامحني ويعفو عني وتو قمت صليت الظهر ودعيت لها بين الاذان والاقامه الله يسامحها ويغفرلها وترزقها الذريه الصالحه اللي تشغلها :(