صديقتي اللي خانها زوجها تحمل لبنات حواء رسالة

السلام عليكم ورحمة الله وبركاته


مراحب حوائيات ، اتمنى يكون الجميع بصحة طيبه

انا كتبت موضوع قبل فترة انه صديقتي كانت منهارة بسبب اكتشافها لخيانة زوجها وهذا رابط الموضوع
http://forum.hawaaworld.com/showthread.php?t=3893766


طبعاً بعد معاناة مع صديقتي لنا الان شهر تقريبا جيت احدثكم بآخر الاخبار واحمل لكم رسالة منها ..

خويتي مرة كانت تعبانة ويمكن مازالت بس جالسه تقاوم ، للاسف من كثر ماكانت نفسيتها تعبانة سقطت وراح البيبي والدكتوره خبرتها بسبب انه نفسيتها مرة تعبانة وحتى للاسف هرموناتها كانت متخلبطه والمبيض عندها متهيج وصفت لها حبوب تهدئها ومن هالناحية الان ماتفكر طبعا بالانجاب تبي تعطي نفسها مع زوجها فرصه وتحسنت حالتها الصحية .

خويتي كلمت شيخ دين وكلمت مستشار لمشاكل الاسرة وسمعت منهم الاثنين نصايح وسلبيات الطلاق وغيره وغيره واعطوها خطط واساليب لازم تتعامل مع زوجها من خلالها بس هي للاسف تضعف مرات وترجع تبكي او ترجع تفتح له سيره خيانته وطبعا هو يقول لها خلاص انتهينا حتى مره شافت جواله وهو مايدري وشافت انه مافيه شي ، بس طبعا لسا مو قادرة تثق فيه وتقول احسه يكذب ويمثل ويمكن يسوي بلاوي من وراي بس بشوف اخرتها .وتقول صاير احسن اشوي من قبل .

جابت ورق وقلم وهذا اقتراحي وكتبت فيها كل شى من الخطط اللي ناويه تعملها الي مشاعرها واحاسيسها حتى دعائها وبدت مرحلة التغير حتى بشكلها الخارجي ولبسها .

جالسه تحاول تغير اسلوبها معاه .. بس ترى مو سهل كثير تدق علي تبكي والا تشتكي بالم والا بغضب احاول انا وامها وابوها نهديها ابوها خايف عليها يجي لها شي في صحتها .

واللي تبي تقوله لكم حافظوا على ازواجكم وكل وحده تحافظ على بيتها وتحارب علشانه لا تجي وحده من الشارع تهزه ، وتخطف ازواجكم ..وتبي منكم دعاء خالص لزوجها بالهداية وانه اذا في خير وصلاح ربي يوفقهم مع بعض ويرزقهم الذريه الصالحة .

انا اتمنى جد انها تمحي الوساوس والشكوك من داخلها بس صعب جدا الله يعينها حبيبتي ويهدي زوجها ويسخره لها .