عزيزتي الدنيا فانية
إن الصداقة شيء نادر في الوجود
أصبحت كلمة صداقة في هذا الزمن مجرد كلمة
و نادرا الشخص الذي يعرف أنها كلمة تعني الوفاء و الإخلاص و المساعدة وقت الحاجة
فهذه الكلمة أيضا بمعنى أخوة و معاهدة
كلمة مقدسة و جميلة بكل ما يحتويه من تعابير
لكن للأسف من يهتم !!!!!!!!
لقد نسينا قول خير ما كسبت إخوان الثقة أنس وعون في الأمور الموبقة
لقد نسينا قول في الشدائد يعرف الإخوان
و غيره .........
عزيزتي
تذكري هذه الحكمة دائما
احذر عدوك مرة وصديقك ألف مرة فإن انقلب الصديق فهو أعلم بالمضرة
لقد عانيت أنا شخصيا من مواقف عدة شبيهة بموقفك
لكن لماذا اللوم و الندم و الحسرة
فهي لا تستحق دمعة غالية سقطت من عيني
لكن الشيء الوحيد الذي لا تستطيعي أن تقسي عليه و تنسيه
هي الذكريات و الأيام و السنوات الجملية
هذه هي المشكلة
و المشكلة أيضا لا يمكن تعويض هذه الصداقة نهائيا

شكرا لك عزيزتي الدنيا فانية و اعذريني على مروري البسيط
دمتي بكل الود
أختك بالله
فتاة ضوء القمر

الله يعين علي هاالدنيا
والله ياما شفنا منها

واحمدي ربك اللي كشفها لك انتى الحين ماعليك الا انك تسحبين نفسك منها شوي اشوي لييييييييييين هي تلهى وانتى تلهين

انا ادري انها صعبه باالبدايه بس والله كذا اريح لك وعلي فكره انسي ان فيه صداقه حقيقيه بهاالزمن مافيه الا خواتك وامك وبس
والله يمكن هاالشئ اللي صار لك فيه خير كثير
مع الف سلامه

الله المستعان

مشكورين خواتي اللي ردوا
والله أنا بس أكتب لكم من القهر اللي بي
ما عندي أحد أفضفض له الا أنتم بنات حواء
حبايب قلبي


الله يجزاكم خيير
أنا خلاص قررت أخليها
بس أبيكم تتعضون مني

واللي عندها مواقف لاتقصر
خلونا نستفيد ونتعض ونحذر
ويكون في بال كل وحده (ترى أختك اللي من لحمك ودمك ما تقارن بالصديقه لو الموت)
أختك معك طول العمر بصفك ومن لحمك.........أما الصديق من يدري متى تفكر تخليك تخليك.وتروح لغيرك





أنا اللي قاهرني من صديقتي هذي أني كنت أعزها معزه وأخبرها عن كل شي
...........الله المستعان ...........
الله يغفر لها
الله يسامح الجميع

بقولكم من المواقف اللي جرحتني منها

موقف
كنا نطبق بالتربيه العملي
يعني نشرح للطالبات بالمدارس ومعنا مشرفه تتابع شرحنا وتقيمنا


المهم
ان الاستاذه اللي طالعه معنا متسلطه علي سبحان الله مع أني سافهتها وأتغاضى لكنها كانت تتمادى وأنا ماهمتني
أتقن عملي وخلاص
وصديقتي هذي تمووووت عليها بس ساكته وكاتمه ما تبي تبين لنا لأن كل الدفعه ما يحبونها (مغروره مرره )
وكانت صديقتي تروح لها بالخفيه وتجلس معها
المهم كان عندي شرح بعد كم يوم وجلسنا أنا وخواتي نفكر بطريقه غريبه لتمهيد الدرس
تكون طريقه تجذب انتباه الطالبات وتعجب المعلمه

والله يجزاها خير وحده من خواتي فزعت معي وكلمت موجهات بالتخصص اللي لي وساعدوها
المهم أنا انبسطت على التمهيد كان غريب ومره معجبني
أنا استعديت له ...بس انتظر متى يجي يوم درسي عشان أشرح
طبعا علمت صديقتي حبيبه قلبي بالتمهيد هذا وكان عندها شرح من بكرى على طول وأنا بعدها بيوم
يوم جاء بكرى وجت صديقتي بتشرح الدرس تفاجئت وانصدمت انها أخذت فكرتي وشرحتها عند الاستاذه والطالبات تفاجؤ على التمهيد الجذاب مرره جذبهم
يوم خلص الدرس الاستاذه مدحتها مرره وأثنت عليها
وبقيه صديقاتي يسألوها من وين جت ببالك هالفكره ؟؟؟؟
قالت :من مخي أنا وخواتي
(تخيلوا )أنا هنا انصدمت صدمه
هذا وهي أصلا الاستاذه تعطيها الدرجات كامله (عشان حب استغفر الله )
وهي تدري ان الاستاذه متسلطه علي ولا تعطيني الدرجات الا بالحسره
مع اني شرحي كل الدفعه اللي معي يثنون علييه (حسبي الله )
والله ما أنسى هاك اليوم كيييف جاني هم وحزن
ومن بكرى بحثت عن تمهيد ولم أجد الا واحد شبه عادي وشرحت درسي وانا مهمومه

ولا قلت لصديقتي ولا عووود ..........من الصدمه
(حسبي الله)
حتى ياليتها نسبت الفكره لي
لا راحت تنسبها لها (الله يسامحها)


الحييين جلست أتذكر المواقف وانقهر كييييف تحملتها وصبرت

أنا الحييين ماهمتني
ولاحتى راح أعطيها أي اعتبار بحياتي
خلاااااااااااااااااااااااااااا اااااااااااااااااااااااااااااا اااااااااااااااص


طفح الكيييل
طفح الكييييييييل




الله يسامحها
جروحها تألمني حتى وأنا تاركتها
الله يجعني أنساها وأمسحها من ذاكرتي
الله يغفر لها