صديقتي اللي ما تعرف قدر الصداقه

السلام عليكم
اليوم يابنات أبكتب لكم سالفه والله قاهرتني وجارحتني مررره

هذي صديقتي اللي ما عرفت انها ما تستاهل الصداقه
بصراحه ما طلعت صديقتي اللي أثق فيها صارت حسوده وما تفكر الا بمصلحه نفسها وبس
والباقي ما يهمها شي حتى لو تضر بي أو بغيري ما يهم
ولا تقدر الصديقه من اللي مو صديقه أهم شي مصلحتها



تخيلوا والله اني مقهوره قهر
ولا اكتشفت هذي الصفه فيها الا في آخر سنه لنا بالجامعه
يوم شفت منها سبعين موقف وضرتني سبعين ضرر
وكله عشان مصلحتها ولا تفكر بغيرها
وأنا أواسي نفسي وأضحي لها (وأقول: تستاهل التضحيه صديقتي)
الحين تخرجنا وتزوجنا وصارت قليله خاتمه

تخيلوا أنا بكل نياتي أقدم النصائح لها والافكار وهي يدور في راسها شي ثاني وتقول (ياحظك ) ماتشوف الخير اللي عندها أبد
تخيلوا أنا أعلمها كل شي حتى يوم أخطب وأتزوج وأحمل هي أول من يعرف
وأنا مادريت الا يوم أرسلتي قبل كم يوم رسالهتقول :أبشرك جبت بنت
والله اني انصدمت متى حملت



وياما وياما
(والله اني من القهر مدري وش أكتب مدري وش أحصي من تصرفاتها)
تخيلوا مرره أخذت مني فساتيني أنا وخواتي وأنا وكلي ثقه فيها عطيتها وعادي تستاهل
ويوم دارت الدنيا واحتجت منها فستان تخيلوا عطتني فستانها يوم كانت يالثنوي
وعندها فستان زواج أخوها وكانت تمدحه مدح...
قالت لي أخاف يجيه شي مقدر أطلعه من البيت (طيب أنا لييه وثقت فيك بالاول) مع ان فستانها كانت تستشيرني فيه بكل شي حتى بالسعر وكان أغلى فستان اشترته
وأنا فساتيني وفساتين خواتي بعد وكانن بعد غاليات ولا قلت شي





انتهت هالسالفه والله فيه سالفه جرحتني جرح مقدر أنساه بس انتبهوا لاتقولون صديقه الصديق لازم يحذر منه

أتوقع اني مللتكم الحين راح ارجع لكم ان شاء الله مره ثانيه


في نهايه نصيحتي أكثروا من ذكر الله مع الناس
وكل شي قولوا ماشاء الله (خاصه اذا كانت اللي قدامك وحده موسوسه وكل شي تقوول عين وعين)
والله هذي اللي ينخاف من عينها