صديقتي المتزوجه تخونني مع زوجي

السلام عليكم ورحمه الله وبركاته


هذي اول مشاركه لي في هذا المنتدى الرائع

اتمنى ان تفيدوني بمشكلتي

انا متزوجه من 3 سنين وحياتي احلى حياه والحمد لله تحصل بيني وبين زوجي مشاكل بس مو بالكبيره وماعمري فكرت بزوجي فكره مو كويسه
كانت لي صديقه بس مو مقربه قبل الزواج وتزوجت وبعدت المسافه بيننا وقبل شهر جا زوجها لعند زوجي بسيارته لصلحها له لان زوجي مهنته ميكانيكي ورجعت العلاقه >>>>>>>>

كان زوجها يطلب من زوجي يوديهم السوق وزوجي مايقصر بس صديقتي تتكلم بصوت عالي وتضحك كان زوجي يقول لي كل شي تسويه

كان الموضوع عندي عادي صديقه ورجعت معي المشكله ان زوجها ضعيف شخصيه وهي المسيطره عليه وكان زوجي يطلب فلوس عشان عدت السياره لجل يصلحها لهم لكن زوجها كان يتهرب ومره كانت تكلمني وطلب اكلمها عن الفلوس وانا مااعرف بالمكانيكا حطيته سبكر لجل يفهمها متطلبات السياره وقال له المطلوب

وصارت تدق وتسال عن زوجي وصارو كل شوي كل ربع ساعه يدقو ع زوجي هي وزوجها وعادي تكلم زوجي وزوجها يعرف قال ايش زي اخوها

كانو مايدقو يسوو المتصل ع حسابك كل دقيقه كذا انا لو بسوي خدمه المتصل للظروره فقط مو كل شوي وع كلام تافه
صارت تكلم زوجي وترسل ع جواله وتقول غلطه لانها كاتبه الرقمين بنفس الاسم

انا مارتحت للموضوع بس قلت يمكن شك وبس مره كنت بروح للمستشفى مراجعه ودق علي زوجي وقال

ان زوج صديقتي بيروح السوق الي قريب من المشفى بس ماعنده سياره وقال لي ادق ع البنت وقول لها تروح معنا >>>>> زوجي يعلرف اني مااحب اركب مع حد غريب حتى لو كان هو راكب معي بنفس السياره


وانا قلت له خلاص هم يدبرو سياره قال دقي بس وشوفي دقيت وافقه تروح >>>>> مو مرتاحه للموضوع

ركبت معنا كانت جالسه وراه وكانت المرايه مايله لزوجي شوي
ماادري كل الرجال كذا يميلو المرايه ليهم شوي وقت السياقه او لا ؟؟؟ الي تعرف ترد علي

وصلت للمشفى نزلت معي قررت تفتح ملف وفتحت بالاستقبال ورحنا للدور الثاني للدكتوره مايتوه دخلت هي قبلي وانا استنى دوري وطلعت تبي تروح للاستقبال تسدد الفاتوره وانا جا دوري ودخلت ع الدكتوره

تاخرت هي وبعدين جت تقول انا تاخرت وتهت >>> ماتوه المشفى
اكتشفت انه زوجي كان معها عند الاستقبال

مااعرف هي داقه عليه او ايش لانه كان ينتظر بالسياره برا

ورحنا لبنده وكنت ادور لمنتج وفجاه لقيته ورحت له كنت اقرا الي مكتوب عليه وفجاه سمعت ضحكتها وراي التفتت لها ولزوجي ومشيت تقرب زوجي وقال انها كانت تناظرني وقال لها لا تناظري زوجتي لا تحسديها وقامت تضحك

وطارت بي الدنيا وبديت بالشك من كل جهه ركبنا السياره حزرو وين جلست ورا بس بالنص بسني وبين زوجي ناظرت فيها وسكتت >>> بررت موقفها انها خافت تجلس وراه ينزل عليها المرايه او تجلس وراي واشك انها يتسوي شي حركات جلست بالنص وضحك وسوالف
زعلت من زوجي وتضايقت ورحت بيت اهلي يومين ومااحد من اهلى عرف الموضوع كان تصرفي قدامهم عادي ودق علي زوجي وكان مريض وتاسفت ع حالته ورجعت له وحلف انها هي الي تدق وترسل
وهي مازالت تتصل وترسل لي قويه وجه

وشكيت لصديقه لي غيرها الموضوع البنت راحت نقلت لها الكلام وصارت صديقتي تدافع عن حالها ان زوجي هو الي نزل عليها المرايه واني انا الي اعطيها الجوال تدق عليه وشككتني بزوجي من جديد

:44:

زوجي قبل مايعرفهم قالو له اصحابه انها هي وزوجها مو تمام وماصدق مايبي يضلم احد ومره كان واحد يعاكسها بالجوال ويعرف اسمها وطلب زوجها من زوجي يساعده وساعده زوجي وجاب لهم الرقم وراعيه وكسر الشريحه
المهم

خلصت سيارتهم من عندنا الحمد لله شغل يد زوجي يكلف 800 لكن طلبهم 500 وهم عطوه 200 كان يهندس لهم طول اليل وهو تعبان ومجهد وفي الاخير 200 ريال قال ايش مامعنى وهم كل يوم بسوق

عرف زوجي انهم استغلاليين

اتصل مره زوجي ع زوجها ردت هي ع جوال زوجها وصارت تنادي زوجها يا فلان تعال لا يخلص شحن الرجال >>>طيب ليه ترد تبي تسمعه صوتها

عادي الموضوع عن زوجها رد بكل برود قال زوجي خلاص ماابي اكلمك قفل مشماز من اسلوبها

المهم مره قرب اخر اليل دقت علي
انا رديت عادي
انا الو هلا
الصديقه الله لا يوفقك خليتي زوجي يشك بي ارتحتي الحين انا كنت اعتبر زوجك زي اخوي ونيتي صافيه الله ينتقم منك وكثيييييييييير دعاء عليه وصارت ترسل الرساله ورا الثانيه اني ظلمتها
وانا والله يعلم ماقلت لاحد سالفتها معي غير لصديقه لاني بجد كنت مخنوقه وماطلع الكلام لاحد بس صار زوجها يشك بيها لاني ماعاد ادخل عندها

وانا خفت قمت اصلي بجوف اليل وادعي ربي هل انا ظلمتها ولا هي تظلم نفسها يارب يارب

شاف زوجي رسائلها ولما دق زوجها قال له زوج عن موضوع الدعاوي والرسائل وقامت ترسل لي انها اسفه وتعتذر وارسلت لزوجي بس الرساله وصلتني كاتبه فيها اسمه وماستحت لما ارسلتها غلط لي لا رجعت ارسلتها لزوجي مره ثانيه >>>> استغربت تعتذر وهي كان تقول امسح رقمها وابعد عنها بالرسائل

طلع ليش هذا كله عشان يبون مصلحه ثانيه يبغو زوجي يصلح لهم الستاره لان العيد قرب رفض زوجي وصارو 3 ايام كل يوم يحاولو وزوجي يقول لا دورو غيري ولا ينهزو وجههم مغسول بمرق مايستحو من الرد الاول

اليوم الصبح رحت لجوال زوجي بلعب بيه لقيته عليه رمز افكره الرمز الاول طلع مغيره عمر زوجي ماخبى عني شي وكان هوا يعطيني جهازه

طلبت منه يتفح الرمز رفض >>> استغربت الحيت عليه حلف مايفتحه خليته وقمت من عنده وانا بموت قهر وماعاد كلمته طول اليوم ورجع الشك لقلبي :44:
طلعت من البيت لعند الجيران ارسل لي رساله ان كان يبي ينرفزني ولجوال مافيه شي وانا حاسه انه مسح الي فيه

هذي قصتي للحين ارجو منكم تساعدوني كيف مااخرب بيتي لاني احس اني اعيش بدوامه ماعمري دخلتها ربي يجزاكم خير