النظره المكسوره @alnthrh_almksorh

محررة فضية

صديقتي بتاخذ زوجي..........وش أسوي

السلام عليكم يابنات أنا عضوه جديده واتمنى ألقى حل عندكم لمشكلتي لأني تعبت من التفكير وماادري كيف اتصرف قلت بشاوركم قبل لا أسوي شي وأندم عليه , أنا يابنات عندي صديقه اموت فيها واعزها ودخلتها بيتي وماقصرت معها وياما وقفت معها المهم هي ماتزوجت إلى الحين عمرها 32 الفتره هذي زادت زيارتها لي وقامت تتكلم كثير عن زوجي وتقول أنا لو بتزوج لازم واحد مثل زوجك طييييييييييييب ومايرفض لي طلب ويسفرني لأنها تموت بشي اسمه سفر انا اعتبرته كلام عادي لكن المصيبه الأكبر يوم قالتلي ليش ماتزوجيني زوجك وش فيها انا مره طيبه وماراح أسويلك مشاكل وبنصير مثل الخوات ,صراحه يابنات انصدمت وماعرفت أرد عليها قمت اضحك من الصدمه تدرون اش قالت ؟ ماراح تصدقون ! قالت اذا ماتقدرين تقوليله انا بتصل عليه وبقوله مافيها شي انا أبي زواج مابي ألعب , يالله يوم قالت كذا انهرت وقلت لها انتي تتكلمين جد؟ قامت تضحك ونزلت من بيتي وألحين انا في دوامه نفسيتي تعبانه والقولون بينفجر ومثل نغزات السكين بقلبي احس اني بموت ساعدوني أبي حل أبي حل وبسرعه تكفون

183

12K

يلزم عليك تسجيل الدخول أولًا لكتابة تعليق.

تسجيل دخول

**بنت التميمي** • 15 سنة

ترى في ناااااس مزحهم ثقيييييييييييل.. مستحيل تكوون جادة وتطلب من زوجه .....تزوجهاا زوجهاا ..!!

يمكن ماتقصد..

$ نسايم $ • 15 سنة

يمكنها فعلن تمزح

على العموم احذر عدوك مره واحذر صديقك الف مره لاعاد تمدحين زوجك عندها صير ذميه ولاتجبين له طاري ابدن حتى لو على سبيل المزح

حتى اذا سافرتو لا تعلمينها

JaNa_Q • 15 سنة

الله يكفيك شرهااا قصم ذى وحدة ماتستحى

انا لومنك اقطع علاقتى فيها نهاائيا ماله داعى تنادينهااااااااااااااااا

@الحمدلله@ • 15 سنة

مقيولة ياقلبي ..خاويني وأخاويك آخذ رجلك وأخليك ..

باب تجيك منه الريح سده وإستريح ..

سوي لها ديليت من حياتك وإرتاحي ..

لو كانت جد ..بتخاف ..وبتعرف إنها ماراح تطول تتزوجه ..وأنك موسهله ..

ولو كانت مزح بتتأدب ..ولاعاد بتعيدها ..

فيه حريم وجيههم مغسولة بمرق ..حتى الحياء إنزع منهن ..

بريق مسلمة • 15 سنة

وقفيها عند حدها سواء كانت جادة في كلامها أو تمزح..
وأنصحك لا تخبري زوجك باللي صار...