السلام عليكم ورحمة الله وبراته
أخواتي بنات حواء صديقتي تعبت من كثر ماانصحها قلت مالي الاانتم هي عضوة كبيره هنا لكن تنحرج تكتب مشكلتها أبغاكم تعقلوها وتنصحوها لأني خلاص تعبت من كثر ماانصحها واذا بامكانكم تقدمولها حلول ياليت أعرفكم ماتقصرون باختصار هي متزوجه من شخص طيب وحنون ويحبها على حسب كلامها وهو معروف انه محترم وموظف في وظيفه كويسه وانسان ناجح ماشاء الله وكريييييم معاها يعني مستحيل يكون نفسها في شئ ويحرمها منه ويعز أهلها ويحترمهم كثييييير وتقول بلسانها عمري ماشفت منه شئ يسئ لي أو عمره قال لي كلمه مي كويسه ولو يشوفها متضايقه يسوي المستحيل عشانها
لكن مشكلته انو انسان كسوووووول ومهمل لبيته يعني كل شئ كل شئ هي تقوم فيه مثلا غسالتها خربت قعد تثلاث اسابيع وهي تزن عليه لين صلحها وغير كذا الوقت اللي يقضيه في البيت يقضيه على النت أغلب يومه وتقول حتى بنته مايقعد معاها الا وين ووين وتكلمت معاه أكثر من مره مانفع معاه
وفي الأخير قررت تروح بيت اهلها كتهديد له عشان يغير من نفسه مع انها عارفه انه عنيد وممكن يعاند وتخسر بيتها وزوجها الله يسعدكم اذا عندكم نصيحه أو حل لمشكلتها ساعدوها ولو وحده قدرت تغير من اهمال زوجها وادمانه على النت ياليت تساعدها وألف شكرر لكم جميعا