صديقتي بتطلب الطلاق

مساء الخير
كيفكم جميعا
مثل مانتوا شايفين صديقتي كلمتني اليوم ومتضايقه وقالت إنها ماراح تتحمل الوضع وفكره الطلاق براسها
قلت لها تعوذي من إبليس وأغلب الشباب كذا بس مو مقتنعه تقول طفح الكيل وطلبت مني أخذ رأيكم
الله يسلمكم السالفه انو زوجها ماينشاف إلا بس اذا جاء من الدوام يتغدى وينام واذا صحى راح لأهله من العصر للعشاء وبعدين يجي عشان يأكل وبعدها يطلع ومايجي إلا وقت النوم
تقول قبل شوي تهاوشت معه لانها كم مره كلمته باللين وبالدلع والعتاب مافي فايده
تقول عادي خليه يطنشني بتحمل بس العيال يبونه مايشوفونه يسألون عنه ويبونه يلعبون معه ومو هامه مبداه أهله وبس واذا جلس وماطلع بس صراخ وهواش وتحلطم لدرجه العيال يقولوا ليته طلع اتفه سبب يسوي منه قضيه
هي قالت له أهلك لهم حق وانا وعيالك لنا حق عط كل واحد حقه وماراح نضايق وهو همه أهله وبس تعبت نفسيتها تقول بتطلق عايش عزوبي تقول أحس اني خدامه مو زوجه
وكمان كل شي يصير في البيت يقوله لأهله واسرارهم مكشوفه وصاروا الأولاد مايقولوا له شي لأنه يعلم اهله تقول مره ولدها قاله سالفه وعلم أهله وأهله عقدوا الولد كل ماشافوه يضحكوا منه ويتريقوا عليه وبعدها كره يروح لهم
تقول الطبع هذا فيه وماعدنا نقوله شي صرنا نخبي عليه
تقول مره تناقشت معه يقول اهلي لاتجيبي سيرتهم والا روحي لأهلك
وحاليا هي مفكره تطلق لان الوضع تأزم وتقول ابي أحس اني زوجه مو جدار ونفسيتها زفت
بصراحه هديتها وقلت لها أن شاء الله تفرج ماعرفت شقول لها ايش
الحل برأيكم؟؟