صديقتي بتطلق بسببي وانا مالي شغل

السلام عليكم ورحمه الله وبركاته


ياريت أي بنت عندها حل لا تبخل المشكله والي صار والي مالي ذنب فيه وحده من صديقاتي دااايم تتخانق مع زوجها وأهلها وبعض الأحيان تكون غلطانه هي ودايم بين كل أسبوعين 3 تجي تتشكي لي وانا وضعي مثل أي صديقه بالعالم اصبرها وأقول لها ماعليه وتحملي ومن هالكلام ودايم تسب بزوجها وأهله وانا امشي معاها واسلك لها وهذا شي كل صديقه تسويه مو بس انا
الي صااار انه من كم يوم تسولف لي انها تخانقت مع زوجها بسبب اخته وتتكلم البنت بالواتس اب ومنفعله وتسب زوجها وتقول هالخايس هالخروف يتابع اخته ولو تقول له نط بالبحر نط وانا أقول لها ماعليش وخلاص واذكري ربك وشوي تدور علي اخته وتسبها هالحماره ولو هي عندها رجال يمسكها بس زوجها خروف مثل اخوها هذا نص كلامها بالحرف الواحد وهالبقره ومن هالكلام انا والله شاهد علي ماعلي لساني الا ماعليش وتحملي وزوجك ووش تسوين وادعي ربك يهديهم فقط يعني ماشاركتها وسبيتهم او علقت أي تعليق مو كووويس وانتهت محادثتنا وخلاص هذا الي انا عارفته
توها المغرب وحده من خوياتنا متصله تقول لي الله يهديك يافلانه وش سويتي فلانه بتطلق بسببك وهي ببيت أهلها انا من الصدمه علي طول سكرت ادق علي جوال الحرمه مقفل اتصلت علي اختها قالت لي وش تبين لك عين اختي بتطلق بسببك قلت وش دخلني وشااا صار قالت بعد ماخلصتو حش بزوجها وأهله زوجها بالغلط شاف المحادثه وخانقها والحين هي ببيتنا من كم يوم ويبي يطلقها قلت طيب وش دخلني هي سبتهم انا مالي ذنب وقالت كله منك وسكرت
والمشكله صاحبتي قايله للكل انه انا السبب بخراب بيتها واساسا انا واثقه زوجها مابيطلقها بس يبي يادبها ماتتكلم عليه ولو يبي يطلق طلق من زمان بس هو دايم يهدد ويسوي هالحركه ويقطها ببيت أهلها كم يوم ويرجعها بغض النظر طلقها والا لا
ياهوووووووووة ياناس ياعالم اذا انا غلطانه قولو لي هل لي يد او سبب بالي صار هي سبته انا وش دخلني تقول للعالم انا السبب بالي صار فهموني كيف اتصرف انا وش اسوي ماخلت احد من صاحباتنا ماقالت لهم انا السبب والقهر غالبيتهم احس مصدقين ومتعاطفين معاها اقلقتني وانا مشاكلي تكفيني الله يشغلها بطاعته ويهديها علموني كيف اتصرف هل اكلمها ادق علي بيتهم والا اكلم وحده من خوات زوجها والا ايش اسوووي او اطنش ياريت تساعدوني بأسرع وقت الله يجزاكم الجنه