صديقتي بحاجه الى المساعده0

السلام عليكم00
شخباركم يابنات عالم حواء؟؟؟؟؟؟
انا ببدا بالموضوع بسرعه لي صديقه مقربه جدا جدا الى قلبي وهي محتاجه الى مساعده منكن
صديقتي قلبها احب ابن عمها وكل يوم يزيد حبها له وكلمت خواته علشان يلمحونله بالموضوع لكن خواته رفضوا رفضا شديدا وظلت 3 سنوات وهي تترجاهم ولكن بدون فايده المهم البنت تبي تريح قلبها ةتبي تتكلم فكرت انها ترسل لولد عمها مسج على جوالها بدون ماتذكر اسمها وطبعا ولد العم صار يدق على جوالها لانه مايعرف رقمها المهم قالت بتعترف له وبتقوله وحلفته انه مايقول لاحد وهو وعداه ويوم وراء يوم ولد العم حبها واتلقوا في بعض وطبعا كانوا يكلمون بعض وهي حست بالذنب انها تكلمه من وراء اهلها وصارت ماتدق عليه بس ترسل له مسجات والحمد لله ان ماصار بينهم شي حرام وغلط وصديقتي قالت لخواته انها رسلت له مسج وهم سكتوا في البدايه ولكن بعدين واحده من خواته راحت وقالت لاخوها الكبير عن الموضوع وطبعا اهو عصب وراح قال لامه عن الموضوع ولكنها ماقالت شي يعني سكتت والموضوع انتشر بين خواته واخوانه وهددوه اذا كلمها مرة ثانيه بيقولون لابوها وطبعا هي خايفه مرة المهم ولد عمها قالها باللي صار واتفقوا انهم مايكلمون بعض وهو قال لها ان مايدري يخطبها او انه يهون عن الموضوع وينساها بحجه انه انفضح بين خواته وطبعا صديقتي كرامتها فوق كل شي يعني يكلمها ويوعدها ان بيخطبها وبعدين بالسهوله يقول لها انسي :16:
وهي متحلفه فيه كثير وقالت لي انها مابتتنازل عن كرامتها 0
هي صحيح غلطت يوم كلمته لكن مو لهذه الدرجه يعاقبونهم
هي الحين تبي مساعدتكم كيف هي تتعامل مع بنات عمها ؟
تروح بيتهم وتزورهم عادي؟؟
تقول لابوها او تنسى الموضوع ؟
وصديقتي تقدم لها واحد وهي رفضته بحجه انها تبي ولد عمها ولكن ابوها مايدري بالموضوع وصديقتي تمووووووووووت في ولد عمها يعني مستحيل تنساه حطوا مكانكم بدالها وهم يرتحاون لبعض وتفيرهم مثل بعض يعني متفقين بس المشكله اللي صارت هي العائق0
هي الحين تنتظر ولد عمها يجمع المهر وهو مستعجل يبي يخطبها لكن كل كلامه لها اذا في نصيب باخذش0
هو كلامه صح ميه في الميه ولكن هي تموووووت فيه وتبي تسوي اي شي علشان يكونون لبعض 0
ارجو مساعدتها 00
بنت الوهم