صديقتي بعد زواجي.....

مرحبا اخواتي صباحكم مسائكم خير 💛
عمري ما تخيلت اكتب موضوع مضايقني لكن ذا الموضوع فعلا اثر علي وخلاني اشك بنفسي كأن الغلط كله مني ؟
الزبدة حبيباتي انا كان عندي صديقه مقربه جدا مني اقدر اقول صديقة طفوله وصديقة مراهقه والشهاده لله كانت انسانه ماشيه سيده وأحبها وأموت عليها الى هنا تمام ادري طولت عليكم لكن ضروري تاخذو نبذه عن الموضوع عشان تحكمون ،، كنا طول وقتنا مع بعععض حتى بالإجازات ع طول نكلم بعض ماننقطع ابدا وكلنا ما نخفي عن بعض شي حتى اتفه تفاصيل يومنا نحكيه لبعض بكينا وفرحنا سوا وأهالينا تعرفوا وكذا ،، لمن تزوجت دايم تقول لا تسحبين علي خلينا مثل اول قلت ان شاءالله وهذا اللي ابغاه مع العلم هذيك الفتره كانت هي بعد مخطوبه ، من اول ليلة بزواجي ترسل وكذا وانا كنت ارد عليها واتس طبعا المهم كانت ع تواصل معي طول الوقت كنت الاحظ نظرات زوجي وكأنه مستغرب المهم تعرفون لمن كنت عروس زوجي كأي رجل حديث زواج ملازمني بس لما يخرج يصلي او يروح مشوار اسرق الوقت واتصل عشان اخبرها ايش اخباري وكذا المهم زوجي بعد مده قال ترا ما احب تستخدمين الجوال معي كثير قلت اوكي وحاولت اخفف وهي فهمت اني بديت اسحب عليها وزوجي زاد الضغط علي ويقول اكره المكالمات الطويله وهي تسيئ الفهم بأني ما ابغاها وتملي علي أوامر اني لازم اعود زوجي ع طبعي اوكي انا حاولت بس هذا الشي قام يسبب لي مشاااكل معاه كانت تقول خلاص كلميني بالليل اذا نام او بعد ما تخلصون ال.... اقولها ماقدر لان يفقدني يعني كيف اتركه ينام لوحده واخرج الصاله اكلم ع طول الشيطان يشككه فيني! حاولت افهمها وكانت تكثثثر عتاب وتقول انتي تعطينه وجه وتسمعين كلامه لحد ما صار يتحكم فيكِ ! صرت بين نارين صديقة عمري وزوجي 💔 ومع كثر عتابها ولومها اللي ما ينتهي بأني صرت مقصره معاها اتعبني وارهقني نفسيا صرت احس بأني مقيده وماني عارفه الحق ع نفسي او زوجي او بيتي او او او .... بعد الزواج ججججد صار عندي مسؤليات وفهمتها كثير انه مو نفس وضعي وانا عند اهلي عزباء ماعندي مسؤوليات مثل الحين وووو ، وحصلت لي مشكله كبيره مع زوجي يقول هذي الادميه ما اسمح لك تتواصلين معها انا مو مرتاح لها ؟؟ كانت تقول لو بغيتي عرفتي كيف تطلعين وقت وتكلميني ،، انا قاربت على الجنون وكأنها تتصيد وتعد زلاتي ورمت اللوم كله علي انا والحديث يطول لكن اختصرت لكم بالآخر تركنا بعض 😔 انا الان وحيده بدون صديقات من مده طويله ..


هل انا غلطانه او هل اللوم فعلا علي انا ؟
الله يسعدكم جاوبوني او عالاقل واسوني وفيه احد مثلي ؟ 😔💔